Pekia matāpule mei Pea 'i hano hoka hele'i Featured
6 Fepueli, 2018. 'Oku lolotonga fakahoko 'a e fakatotolo a e kau polisi ki he pekia 'a ha matapule ta'u 27 mei Pea 'i he po'uli hifo 'o e 'aho Sapate 4 'o Fepueli 'a ia koe Sapate ia kuo 'osi.
Na'e ma'u foki 'e he kau polisi ha fetu'utaki mei he Falemahaki Vaiola fakafuofua ki he taimi 10:00 po'uli 'o fakaha mai 'oku 'i ai ha matapule na'e leleaki'i ange ki he loki fakatu'utamaki fakavaveave 'oku hoko kiai ha ngaahi lavelavea lalahi mei hano hoka hele'i.
Ko e me'apango he na'e si'i malolo ai pe 'a e matapule ni 'i hono a'utaki mai pe ki he Falemahaki pea pau ai ke fakahoko leva 'a e fetu'utaki ko'eni ki he kau polisi.
Na'e fakahoko leva 'a e ngaue a e kau polisi o puke mai ai pe he taimi 3:00 hengihengi Monite 5 'o Fepueli ha matapule ta'u 32 mei Te'ekiu felave'i mo e pekia ko'eni.
Ko e fakamatala 'oku ma'u 'e he kau polisi na'e ma'u kava malohi fakataha 'a e pekia mo e tokotaha ko'eni kuo tukuaki'i 'i ha feitu'u tatau pe 'i Te'ekiu.
Na'e ma'u mai foki 'a e sino 'o e pekia 'o leleaki'i ki he Falemahaki Vaiola 'i he ve'e hala 'i Fatai.
'Oku hokohoko atu pe 'a e fakatotolo 'a e kau polisi fekau'aki mo e keisi ko'eni.
1 comment
-
Ku tau sio kihe ngaahi tamate koeni heikai ke fuu peheifau ia okapau koha inupia pe pe kava malohi, oku pau pe nae kaunga ha faitookonatapu kihe faahinga lotolalahi pehee. Kuo ha pe kemou fuhu o fetangai’i pea mou maatuku kae fuu hoka hele pehee ... ka heiilo pe