Menu
cache/resized/dfa08ace4dc90f111dda1653dc2a597e.jpg
Paloveape 'o e Uike "Poto hono lau ka e vale ...
cache/resized/63614fa437cb694b8770470f544a87ea.jpg
“TOURS & TRAVEL AT IT’S BEST IS ...
cache/resized/de22811ba69e150b74276adfe9cd60f1.jpg
S&F Brothers (Car Dealer & Accounting ...
cache/resized/c5486089fb6fe141100fa93741aee80f.jpg
Vaiola Shop & Cafe  
cache/resized/952d37c5b239f200e4b0a944bfa8cde0.jpg
RED Rapid Engineering Diagnostic Specialize in: ...
Latest News

Faka’ilo ‘e Samiu Vaipulu ‘a Tu’i Uata ki he lau’ikovi’i Featured

Tu'i Uata lolotonga 'ene fakamatala 'i he vitiō Tu'i Uata lolotonga 'ene fakamatala 'i he vitiō

2 Fepueli, 2018. Kuo fakahū atu ki he Fakamaau’anga ha faka’ilo ‘e he Fakafofonga Vava’u 15 Samiu Kuita Vaipulu ‘a Tu’i Uata ‘o tukuaki’i ki he hia lau’i kovi’i.

‘Oku makatu’unga foki ‘a e faka’ilo ko’eni ‘i he fakamatala ‘a Tu’i Uata na’e fakahoko ‘i he fo’i vitiō na’e tukuange mai ‘i he feisipuka (facebook) ‘i he ‘aho 30 ‘o Tisema 2017 ‘i he peesi ‘a Moala Filimone Pahulu.

Na’e ‘ave takai ‘i he ngaahi peesi feisipuka ‘a e fakamatala koeni ‘a Tu’i Uata ‘o lau ‘e he kakai Tonga tokolahi ‘i he tapa kehekehe ‘o e kolope kau ai mo Tonga ni.

‘I he fakamatala ‘a Tu’i Uata ‘i he vitiō ko’eni na’a ne pehe ai na’e totongi fakafufuu (bribe) ‘e he kau Siaina ‘a Samiu Vaipulu pea ‘oku ‘asi ‘a e tā ‘o Samiu mo e panitolo pa’anga ‘a ia koe me’a ia na’e fai ‘e he Pule’anga ki mu’a.

‘Oku mahino foki koe fakamatala ko’eni ‘a Tu’i Uata na’e fai ia ‘i he faikava ‘i he fonua muli ‘o hange ko’ene ‘asi ‘i he fo’i vitiō ko’eni pea na’e ‘ikai kene ‘amanaki ‘e tukuange mai ‘eni ‘i he mitia faka-sosiale.

‘Oku tokolahi ‘a e kakai kuo nau ‘osi ma’u ‘a e tatau ‘o e fo’i vitiō ko’eni.

‘Oku fakafofonga’i foki ‘a Vaipulu ‘i he fakatonutonu ko’eni ‘e William Clive Edwards pea koe fakatonutonu ko’eni ‘e fakahoko ia ‘i he Fakamaau’anga Polisi.

Ko e vitio tatau pe foki na’e toe ‘asi ai ‘a e fakamatala ‘a Tu’i Uata ‘o pehe ‘oku totonu ke ‘oua ‘e taliui ‘a e kakai ki he Tu’i he ‘oku ‘ikai ha’ane pa’anga.

5 comments

  • Ului M
    Ului M Saturday, 03 February 2018 13:34 Comment Link

    Oku te lau he feisipuka e hu atu pe a Tui Uata o alu kihe TCC demand ene telefoni Samsung 8 oku $2000+ pea toe order moene Hilux oku laumano koaa pe ku kilu. Fakaulia koe polau holo e ngutu he ofa fonua pea ikai toe ha fakamole fakavalevale ae ngaahi Puleanga ki mua hono taaki ta koaa ku kalasi ange kinautolu. Ilo leva he aho ni koe mea vevela e mea koe fakaanga he oku ikai kemou Otua e.

    Report
  • Talakai Finau
    Talakai Finau Friday, 02 February 2018 19:46 Comment Link

    Oua toe tuku ha ivi kae fakatonutonu ai leva e vale telia na'a poto ai.

    Report
  • Etimoni Fatui
    Etimoni Fatui Friday, 02 February 2018 15:34 Comment Link

    Ko e malohinga 'eni 'o e PTOA 'a e ngutulau pea 'oku sai hono faka'ilo he'ilo na'a tuku aa pea sio aa e kakai 'oku nau muimui 'o ako aa ha me'a.

    Report
  • Leonaitasi
    Leonaitasi Friday, 02 February 2018 15:08 Comment Link

    Poupou atu kihe Fakailo ko eni, oua toe tuku he ko enau mahafu ia ae Lauikovi ha taha, pea feingai atu ke Afioi e he Tui

    Report
  • Mark Hanson
    Mark Hanson Friday, 02 February 2018 14:20 Comment Link

    Puke atu 'o 'akahi ki Tolitoli e ki'i fie-minisita kaaimu'a lea fieme'a ko eni. Ko hai ia, pea na'e 'I fe, pea koe ha ha'ane ngaue ko mafohi he fonua ni, tukukehe hono uki ke tutu a Nuku'alofa mo 'ene ngaahi fu'u potu'i ukamea 'ume'umea 'oku fakaveve holo he uafu.

    Report

Leave a comment

Make sure you enter all the required information, indicated by an asterisk (*). HTML code is not allowed.

back to top