Tautea ‘a Talakai ‘Aholelei ‘i he Fakamaau’anga Waitakere ^Featured

Ko ‘Aholelei foki na’e faka’uli ‘i he pasi ko’eni ‘i he fononga atu ‘a e kau ifi ni ki Kisipooni ko e taumu’a kiha feinga pa’anga.

Ko e kau ‘e toko 53 ‘pea koe tokolahi taha koe fanauako pea na’e ‘i ai pe mo e kau faiako ‘i he kau pasese.

Na’e iku foki ke tō ‘a e pasi ‘i ha lilifa ‘o hoko ai ‘a e fakatu’utamaki ko’eni ‘o pekia ai ‘a e toko 3 pea lavelavea ‘a e tokolahi.

Ko e kau pekia koe faiako ‘e tokoua pea mo e ki’i tamasi’i ako.

Na’e tali halaia pe foki ‘a ‘Aholelei ‘i he ta’u kuo’osi ki ngaahi tikite na’e faka’ilo ia kiai ‘o kau ai ‘a e faka’uli ta’etokanga ‘o tupu ai ha mate moha lavelavea.

Fakatatau ki he fakamatala ‘a e ongoongo ‘a e Letiō Nu’usila na’e tautea ‘a ‘Aholelei ‘i he ho’ata ‘o e aho ni ‘i he Fakamaau’anga faka-vahe Waitakere ke nofo ma’u pe ‘i hono ‘api nofo’anga (house detention) ‘i he mahina ‘e 5 mo e konga pea to’o mo ‘ene laiseni faka’uli ‘i he ta’u ‘e 2.

‘Oku kau foki ai moe totongi pa’anga ‘a ia koe pa’anga ‘e $36,000 pea konga pe ia hono tautea.

Na’e fakafofonga’i foki ‘a ‘Aholelei ‘e he loea Tonga ko Nalesoni Tupou.