Menu
cache/resized/dfa08ace4dc90f111dda1653dc2a597e.jpg
Paloveape 'o e Uike "Poto hono lau ka e vale ...
cache/resized/63614fa437cb694b8770470f544a87ea.jpg
“TOURS & TRAVEL AT IT’S BEST IS ...
cache/resized/de22811ba69e150b74276adfe9cd60f1.jpg
S&F Brothers (Car Dealer & Accounting ...
cache/resized/c5486089fb6fe141100fa93741aee80f.jpg
Vaiola Shop & Cafe  
cache/resized/952d37c5b239f200e4b0a944bfa8cde0.jpg
RED Rapid Engineering Diagnostic Specialize in: ...
Latest News

Tautea ‘a Talakai ‘Aholelei ‘i he Fakamaau’anga Waitakere Featured

Talakai 'Aholelei Talakai 'Aholelei

24 Sanuali, 2018. Kuo iku ke tautea ‘a Talakai Aholelei na’e faka’uli ‘i he pasi na’e mafuli mo e kau ifi ‘a e Kolisi Mailefihi Siu’ilikuapu ‘i Kisipooni ‘i he efiafi kimu’a he ‘aho kilismasi ‘o e 2016.

Ko ‘Aholelei foki na’e faka’uli ‘i he pasi ko’eni ‘i he fononga atu ‘a e kau ifi ni ki Kisipooni ko e taumu’a kiha feinga pa’anga.

Ko e kau ‘e toko 53 ‘pea koe tokolahi taha koe fanauako pea na’e ‘i ai pe mo e kau faiako ‘i he kau pasese.

Na’e iku foki ke tō ‘a e pasi ‘i ha lilifa ‘o hoko ai ‘a e fakatu’utamaki ko’eni ‘o pekia ai ‘a e toko 3 pea lavelavea ‘a e tokolahi.

Ko e kau pekia koe faiako ‘e tokoua pea mo e ki’i tamasi’i ako.

Na’e tali halaia pe foki ‘a ‘Aholelei ‘i he ta’u kuo’osi ki ngaahi tikite na’e faka’ilo ia kiai ‘o kau ai ‘a e faka’uli ta’etokanga ‘o tupu ai ha mate moha lavelavea.

Fakatatau ki he fakamatala ‘a e ongoongo ‘a e Letiō Nu’usila na’e tautea ‘a ‘Aholelei ‘i he ho’ata ‘o e aho ni ‘i he Fakamaau’anga faka-vahe Waitakere ke nofo ma’u pe ‘i hono ‘api nofo’anga (house detention) ‘i he mahina ‘e 5 mo e konga pea to’o mo ‘ene laiseni faka’uli ‘i he ta’u ‘e 2.

‘Oku kau foki ai moe totongi pa’anga ‘a ia koe pa’anga ‘e $36,000 pea konga pe ia hono tautea.

Na’e fakafofonga’i foki ‘a ‘Aholelei ‘e he loea Tonga ko Nalesoni Tupou.

1 comment

  • Vaka
    Vaka Saturday, 27 January 2018 21:31 Comment Link

    Kou tui pe nae lelei e lotu a e Tangata ni oku maamaa pe hono tautea.

    Report

Leave a comment

Make sure you enter all the required information, indicated by an asterisk (*). HTML code is not allowed.

back to top