Menu
cache/resized/7a303faa48902efd848c7494b9385c2b.jpg

RED

Rapid Engineering Diagnostic

Specialize in:

...
Latest News

Kākā’i ‘e Makeleta Kula ATL Finance: Nō $59,500.00 malu’i ‘aki me’alele Sunshine Rental Cars Featured

Kākā’i ‘e Makeleta Kula ATL Finance: Nō $59,500.00 malu’i ‘aki me’alele Sunshine Rental Cars

10 Fepueli, 2017. ‘Oku ‘ikai pe ke maholoholo ‘a hono fakahoko ‘a e ma’u e pa’anga he founga kākā he fonua ni pea ‘oku ‘asi mai foki ‘a e founga kehekehe mo toe masila ange hono fakahoko ‘a e fa’ahinga hia ko’eni.

‘Oku lolotonga fakatumutumu ‘a e Fakafofonga Lao ‘a e Kautaha ATL Finance ‘o Halaleva `’i he malava ke fakahoko ‘a e fa’ahinga hia pehe ni mo e fepoupouaki ‘a e ni’ihi ‘o ngali ‘oku kau ai ‘a e tokotaha ngāue he va’a lesisita me’alele ‘a e Pule’anga ke malava ‘o fakahoko ‘a e ngaahi hia ni.

Kuo a’utaki foki ‘a e launga ‘a e Kautaha ATL Finance ki he taha ‘o e ngaahi Kautaha Lao fekau’aki mo e fefine ko Makeleta Kula ‘o Ma’ufanga ‘a ia na’a ne nō ‘a e pa’anga ‘e $59,500.00 mei he kautaha ni ‘i he taimi kehekehe kae vāvāofi. Ko e nō pa’anga kehekehe foki ‘eni tu’o 5 pea malu’i ‘aki ‘a e ngaahi me’alele.

‘Oku faka’ohovale foki ‘i hono ma’u ange ki mui ko e katoa ‘o e ngaahi me’alele ko’eni koe ngaahi me’alele rental katoa ia ‘a e Kautaha Sunshine Rental Cars ‘o Kolofo’ou ka ‘oku ‘ikai koha me’alele ‘a Makeleta Kula.

‘I he fakamatala mei he kautaha ATL Finance na’e nō ‘e Makeleta Kula ‘a e pa’anga ‘e $7500 ‘i he ‘aho 10 ‘Okatopa 2016 pea ne malu’i ‘aki ‘a e me’alele Izuzu 1999 – Fika Lesisita L19030. Ko e pa’anga ‘e $9000 na’e fiema’u ke totongi fakafoki fakatatau ki he aleapau.

Na’a ne toe nō ‘a e pa’anga ‘e $10000 ‘i he ‘aho 19 ‘Okatopa 2016 pea ne malu’i ‘aki ‘a e me’alele Toyota 2005 – Fika Lesisita C19322. Ko e pa’anga ‘e $12000 na’e fiema’u ke totongi fakafoki fakatatau ki he aleapau.

Na’a ne toe nō he ‘aho tatau ‘a e pa’anga ‘e $15000 (19 ‘Okatopa 2016) pea ne malu’i ‘aki ‘a e me’alele Toyota 2005 – Fika Lesisita L19073. Ko e pa’anga ‘e $18000 na’e fiema’u ke totongi fakafoki fakatatau ki he aleapau.

Na’a ne nō ‘a e pa’anga ‘e $9000 ‘i he ‘aho 15 Novema 2016 pea ne malu’i ‘aki ‘a e me’alele Toyota 2002 – Fika Lesisita C17149. Ko e pa’anga ‘e $10800 na’e fiema’u ke totongi fakafoki fakatatau ki he aleapau.

Na’a tā tuku ‘aki ‘ehe pau’u ni ‘ene toe nō ‘a e pa’anga ‘e $8000 ‘i he ‘aho 17 Novema 2016 pea ne malu’i ‘aki ‘a e me’alele Nissan 2004 – Fika Lesisita C19373. Ko e pa’anga ‘e $9600 na’e fiema’u ke totongi fakafoki fakatatau ki he aleapau.

Na’e fakamahino foki mei he Kautaha ATL Finance na’a nau toki ‘ilo’i he mahino kuo kamata maumau’i ‘e Makeleta ‘a ‘ene ngaahi aleapau nō koe katoa ‘o e ngaahi me’alele ni ‘oku ‘a e Kautaha Sunshine Rental Cars ia.

Ko e founga foki na’e fakahoko ‘aki ‘a e ngāue pango mo kākā ko’eni na’e haea mai ‘e Makeleta ‘a e katoa ‘o e ngaahi me’a lele ni pea ‘oku mahino na’e ‘i ai ‘a e fengāue’aki mo e taha ‘i he va’a ki he lesisita ‘o e ngaahi me’alele ‘i he Potungāue Fefononga’aki ‘o ma’u mai ‘a e fika lesisita mo e peletifika ‘o e me’alele takitaha.

Na’e ma’u foki mo e tohi ownership fo’ou ‘i he hingoa ‘o Makeleta Kula pea ngaue’aki ‘a e me’alele koia ke fakahoko’aki ‘a e nō pa’anga ko’eni. Ko e hili pe ‘a hono ma’u ‘a e pa’anga pea to’o leva ‘a e peleti fika kae fakatui ‘a e peleti fika rental pea fakafoki leva ‘a e me’alele takitaha ia ki he kautaha Sunshine Rental Cars.

‘Oku fo’ou foki ‘a e mahino mai ‘oku toe mataotao ange ‘a kinautolu ‘oku nau fakahoko ‘a e ngāue pango ni pea ‘oku ‘ikai ko Makeleta Kula pe ka ‘oku ‘i ai mo e kau poupou mo e kakai ‘oku nau fengāue’aki.

‘Oku mau foki ‘e he ongoongo ni a e tatau ‘o e ngaahi aleapau nō ko’eni ‘o kau ai mo e ngaahi tohi ownership liliu kākā ‘o e ngaahi me’alele ni ‘i he hingoa ‘o Makeleta Kula. 
Kuo toe lipooti foki mo e ngāue pango ko’eni ki he kau polisi ke fakahoko moha ngāue kiai.

2 comments

  • Piliki Talanoa
    Piliki Talanoa Thursday, 16 February 2017 17:14 Comment Link

    I say the lending practice and process adopted by this ATL Finance is lacking integrity. There must be checking and more checking and more questions to be asked about this woman's ability to service her loan. I suspected that loan criteria is not being met and probably someone within ATL Finance might have facilitated the quick approval of the loan. The frequency and the number of loans that were approved would have created suspicion, at least in my opinion.

    Report
  • Moneata
    Moneata Saturday, 11 February 2017 12:46 Comment Link

    Kapau te tau fakatokanga'i fakalelei oku kalasi kehe ange pea toe ope atu e poto'i kaihaha'a ia e kakai fefine (tapu ange mo kinautolu). Kou toe nofo eni o sio atu kihe kautaha no, me'ani oku ikai tenau hu'uhu'u ke fai ha background check o e fefine? He ko e ngaahi fu'u no vavaaofi koeni ko ene ova pe he tu'o 2 kuo mavahe ia mei he normal. Kaikehe, tofanga ai pe si'i Makeleta Kula ia he tupu 'a e kautaha no tupulahi taha pe eni i Tonga ni.

    Report

Leave a comment

Make sure you enter all the required information, indicated by an asterisk (*). HTML code is not allowed.

back to top