Menu
cache/resized/dfa08ace4dc90f111dda1653dc2a597e.jpg
Paloveape 'o e Uike "Poto hono lau ka e vale ...
cache/resized/63614fa437cb694b8770470f544a87ea.jpg
“TOURS & TRAVEL AT IT’S BEST IS ...
cache/resized/de22811ba69e150b74276adfe9cd60f1.jpg
S&F Brothers (Car Dealer & Accounting ...
cache/resized/c5486089fb6fe141100fa93741aee80f.jpg
Vaiola Shop & Cafe  
cache/resized/952d37c5b239f200e4b0a944bfa8cde0.jpg
RED Rapid Engineering Diagnostic Specialize in: ...
Latest News

Hopoki ‘e He’ene 'Afio vaka ‘o e Fonua MV Tongiaki Featured

Hopoki ‘e He’ene 'Afio Tupou VI MV Tongiaki Hopoki ‘e He’ene 'Afio Tupou VI MV Tongiaki

15 Sanuali, 2017. Na’e hopoki ‘e he Tama Tu’i Tupou VI ‘i he ‘aho Falaite 12 ‘o Sanuali ‘a e vaka fo’ou ‘o e fonua ‘a ia na’a ne fakahuafa ko e MV Tongiaki.

 Ko e vaka foki ko’eni na’e fe’unga hono mahu’inga mo e pa’anga ‘Amelika ‘e 3 Miliona pea koe vaka ‘alaminiume fō ua’eni ‘a ia ‘oku fakataumu’a ke ngāue’aki ki he ‘otu motu ‘i Tokelau pea kau kiai mo Ha’amoa mo Fisi.

Ko e vaka ni na’e fakatau mai ia mei Singapoa pea ‘oku mita ‘e 33 hono lōlōa pea ‘oku fakanaunau kakato, ‘ea konitisioni pea ‘oku malava kene uta ‘a e kau pasese ‘e toko 200 ‘o kau ai moe uta.

MV Tongiaki 'i he'ene no'o 'i he Uafu Kuini Sālote

‘I he lea ‘a e Sea ‘o e Poate ‘a e FISA (Friendly Island Shipping Agency ) Stephen Edwards na’a ne fakahā ai ‘oku fakataumu’a hono ‘omai ‘o e vaka ke fakalakalaka ki mu’a ‘a e fēfolau’aki ‘i he fonua.

Na’a ne toe pehe foki na’e nō mai ‘e he Pule’anga ‘a e vaka tatau he ta’u kuo maliu atu pea na’e lauafe ‘a hono totongi ki he ‘aho. ‘E tokoni ‘a e vaka ki he takimamata he ‘e malava kene toe folau ki Fisi mo Ha’amoa hange koe lau ‘a Edwards.

‘Oku malava foki ‘a e vaka ni kene folau ‘i he mailetahi ‘e 31 ki he houa pea ‘oku lau houa pe pea tu’uta ki Vava’u mo Ha’apai.

Na’e fakahoko foki ‘e he MV Tongiaki ‘ene fuofua folau ki Vava’u ‘i he ‘aho Tokonaki 13 ‘o Sanuali ‘a ia koe Tokonaki ia ‘o e uike kuo ‘osi.

 

Leave a comment

Make sure you enter all the required information, indicated by an asterisk (*). HTML code is not allowed.

back to top