Menu
cache/resized/fcc387c5ab15cde71052b8c82f3e405f.jpg
Lotus Motors Me'alele fo'ou mo sekeniheni ...
cache/resized/fa6eb631649e351582fb6945b9ca2518.jpg
Ko e paloveape 'iloa 'eni pea 'oku 'uhinga kiha ...
cache/resized/63614fa437cb694b8770470f544a87ea.jpg
“TOURS & TRAVEL AT IT’S BEST IS ...
cache/resized/de22811ba69e150b74276adfe9cd60f1.jpg
S&F Brothers (Car Dealer & Accounting ...
cache/resized/c5486089fb6fe141100fa93741aee80f.jpg
Vaiola Shop & Cafe  
cache/resized/952d37c5b239f200e4b0a944bfa8cde0.jpg
RED Rapid Engineering Diagnostic Specialize in: ...

Semifainolo 'a Tonga mo 'Ingilani ki he ipu 'a mamani 'akapulu liiki Featured

Semifainolo 'a Tonga mo 'Ingilani ki he ipu 'a mamani 'akapulu liiki

19 Novema, 2017. Kuo mahino mai 'eni koe timi 'a Ingilani 'e fetaulaki mo e timi Mate Ma'a Tonga 'a Tonga 'i he semifainolo 'a e fe'auhi ki he ipu 'a mamani 'i he mala'e 'akapulu liiki.

Ko e hili 'eni hono vevela'i 'e he timi 'a 'Ingilani 'a Papua New Guinea 'i he efiafi 'o e 'aho ni 'aki ha kai 36 ki he 6 'a Papua New Guinea.

Ko e tata'o foki 'e 7 'a e timi 'a 'Ingilani ki he tata'o pe 'e 1 'a e timi 'a Papua New Guinea.

Ko e tau foki 'eni na'e fakahoko ki he Rectangler Statium 'i Melipoane pea na'e mahino pe foki 'a e lelei ange 'a e timi 'a Ingilani 'i he tapa kotoa 'o e va'inga 'o faingofua ai 'enau ikuna 'a e timi vave 'a Papua New Guinea.

'E fakahoko foki 'a e semifainolo 'a Tonga mo 'Ingilani ki he mala'e Mount Smart Stadium 'i 'Aokalani 'i he 'aho Tokonaki 25 'o Novema 'a ia koe 'aho Tokonaki ia 'o e uike kaha'u.

 

2 comments

  • Keiano o Pautu o Vavaulahi
    Keiano o Pautu o Vavaulahi Thursday, 23 November 2017 23:10 Comment Link

    MATE MA'A TONGA
    Mate Ma'a Tonga he 'ikai ngalo
    Kuo vetengata'a hota hua malo
    Kristian Woolf ho faiva manako
    Ho'o 'ofa vale koe moana loloto
    Tohi he manatu tongi he loto
    'Oe Tonga kotoa pe ho'o 'aufuato
    Sika Manu tapu lulululu tapu tukulolo
    He koe tau'aki tangata 'oseni loloto
    Tevita Fusitu'a sio hake kihe Lilo
    Puna ki 'olunga puke ma'u na'a to
    'Anitelu Fifita ena kuo sikinolo
    Tuku mai keu fesi honau loto
    'Ofulouti kia Konrad Hurrell
    Kene tukuhifo loto kuo hako
    'Io koe fetu'u'esiafi ena kuo to
    'Ae helo ko Jason Taumalolo
    Siliva Havili e 'oku fakafe'ao
    'Ave ke ofi kihe laine tata'o
    He ko 'ena 'a Mafoaeata Hingano
    Saiti sitepu pea 'aka kae holo e nofo
    William Hopoate kuo tongi he loto
    Muimui pe kihe 'etau moto
    Manu Ma'u ena tala ho loto
    'Otua mo Tonga 'aho moe po
    Michael Jenning 'oi hoto fakapo
    Tuku atu kihe moana 'oe fakangalo
    Daniel Tupou kei 'ulingaholo
    Ho'o tou'anga mei vahamama'o
    Tu'imoala Lolohea 'ene fakaaoao
    Fa'ao paasi leva pea kati ki loto
    Konrad Hurell ho'o fakapotopoto
    Ke fakaa'u mo fakakakato
    He koe seti ena 'ene makimo
    Tevita Fusitu'a e kuo tokoto
    Koe va'e ena 'o Siosiua Taukei'aho
    Kene tuku 'a Tonga he ta'emangalo
    Ketau fakaa'u tama kihe fainolo
    He kuo 'afio 'ae Tama ko Tupou 6
    Sione Katoa, Peni Terepo, Tevita Pangai Junior, Ben Murdoch-Masila, Sam Moa, Manu Vatuvei, Joe Ofahengaue, Samisoni Langi ne 'osi tuku 'a Tonga 'e Kigi Jiaosi Tubo I kihe langi ke malu'i kitaua mei ai 'ehe 'Otua Mafimafi koe kole eni mei he Tu'ungaveve 'oe Fonua ni tau hanga kotoa hake moe Tonga kotoa pe 'i mamani lahi kihe 'Otua koe Tamai 'o lotu kole pea hufaki ha ivilahi mei hono mafimafi mei langi keta faka'osi 'aki 'ae feingatau 'oe Ipu 'a Mamani 'a'ana pe 'ae ngeia moe langilangi ko hono kehe pe tama he koe 'Otua 'o Vava'ulahi!!!!!!
    Amen kiai Mate Ma'a Tonga he kuo mei hifo mai hotau Misaia koe 'Imanuela 'e Mate Ma'a Tonga kene 'ave ai 'eku mo 'etau ngaahi angahala!!!!!!
    Merry Xmass and a Happy New Year Mate Ma'a Tonga 'a Tonga mo Mamani katoa!!!!!!

    Report
  • Aisea Matiu
    Aisea Matiu Monday, 20 November 2017 18:14 Comment Link

    Malo mu'a kau faiako, kau komiti, kkau poupou mo e kau va'inga 'a e ngaue faimateaki mo fakaholomamata pea ko 'ene tonu pasika ia 'etau moto ko e "Mate ma'a Tonga" 'o 'uhinga ko e fai mateaki k he 'osi, fai mateaki ki he ka'anga, fai mateaki ki he lava, fai mateaki ki he ikuna 'o mou fakamu'omu'a 'a e llaumalie 'o e, Lau lava ka e 'ikai ko e lau kafo mo e Lava e toka ka ko e tue! Malie fau tamaiki 'a e va'inga mo e mate fakama'ata mo e feilaulau ma'a Tonga!

    'Oku lelei fau 'a e me'a kotoa ka ko e fanga ki'i me'a iiki pe ke to e fakalelei'i, Ke to e hiki 'a e va'inga 'i loto mo va'inga 'i tu'a (pe va'inga mamaha mo e va'inga loloto) fakatouloua 'o tumutumu he va'inga vave, fefeka mo malohi; tali tangata lelei mo tamate'i ma'u pe 'a e pulu ke mate ke 'oua to e mo'ui ke ta'ofi ha to e paasi mo e 'ofulouti; mo e tonu 'a e 'aka fakatotolo mo 'aka fakato 'o e pulu. 'Oku mate kotoa 'eni ki he fakahu 'a e pulu ke a'u ki he kolo ka e lau 'a e kai mo tumutumu he malohi.

    'Oku 'oatu 'a e 'ofa lahi, faka'apa'apa mo e talamonu ki he teuaki 'o e semifainolo mo e fainolo pea 'ofa ke mou ma'u ha va'inga loto'ata'ata, malie, fakaholomamata mo manumanumelie!

    Report

Leave a comment

Make sure you enter all the required information, indicated by an asterisk (*). HTML code is not allowed.

back to top