Fokotu’u fili fakahā loto ke tukuhifo Palēmia uike kaha’u: Lord Vaea Featured
'Eiki Nopele Vaea Fakafofonga Nopele Fika 1 Tongatapu
25 ‘Aokosi, 2016. Kuo fahamahino ‘e Lord Vaea ko e Fakafofonga Nopele Fika 1 ‘o Tongatapu ki he ngaahi kautaha ongoongo ‘e fakahū ‘a e fokotu’u ke fai ha fili fakahā loto (Vote of No Confidence) ke fakamalōlō’i ‘a e Palēmia mo hono Pule’anga ‘i he uike kaha’u.
‘Oku te’eki foki ke fakapapau’i mai ‘a e ‘aho ‘e fakahū mai ai a e fokotu’u ko’eni ka kuo fakahā ‘e Lord Vaea ‘e fakahoko ‘a e fokotu’u ko’eni he uike kaha’u pea kuopau ke fakahoko.
‘Oku fakamahino pe foki ‘e he Konisitūtone ‘o e fonua mo e Tu’utu’uni Ngāue ‘a e Fale Alea ‘oku ngofua ke fakahoko ha fokotu’u ke fai ha fili fakahā loto ke fakamalōlō’i ‘a e Palēmia hili ‘a e mahina ‘e 18 ‘a hono fokotu’u ha Pule’anga hili ‘a e Fili Fale Alea.
‘E malava foki ke fakahoko pe ‘eni ‘i ha fa’ahinga taimi hili ‘a e mahina ‘e 18 pea ‘e ‘ikai ngofua ke fakahoko ‘i he toe ‘a e mahina ‘e 6 pea fakahoko ‘a e fili Fale Alea hono hoko.
Na’e ‘osi fakahā pe foki ‘e Lord Vaea ki he ngaahi kautaha ongoongo ‘i Nu’usila ‘i he mahina kuo maliu atu ‘e fakahoko ‘a e fokotu’u ko’eni ka kuo mahino mai ‘e fakahū mai ki he Fale Alea he uike kaha’u.
‘Oku te’eki foki ke fakapapau’i ‘a e ngaahi makatu’unga ‘e fakahoko ‘aki ‘a e fokotu’u ko’eni.
33 comments
-
@Malia I think the reason why our education system is corrupting now is because of PM Hon Akilisi Pohiva. He isn't doing a good job in my view.
Vaea cares about the people of Tonga not becoming our new PM. -
Toatu pea malo e ngaue. Fokotuu atu kihe Kapineti lolotonga kemou fakafisi kotoa kimua pea folahi kimoutolu mo hoo mou fanau i he uike kahau hhhhhh folahi kiaiii
-
I think Our PM Hon Akilisi Pohiva is doing a wonderful job.
Vaea wants his job.