Laka Fakatē Kau Tau ‘Ene ‘Afio Featured
Komanitā Pule Kau Tau 'Ene 'Afio Tupou VI
Nuku’alofa, 6 Siulai 2015. Na’e lava kakato he pongipongi ‘o e ‘aho ni 6 Siulai ‘a e ouau Laka Fakatē ‘a e Kau Tau ‘Ene ‘Afio ‘a ia koe polokalama tā tuku ia ‘o e fakalangilangi ‘o e Hilifaki Kalauni.
Na’e fakatefua kiai ‘a e Kau Taki ‘o e ngaahi fonua muli, Hou’eiki ‘o e fonua, ‘Eiki Palēmia mo e Hou’eiki Minisitā, Kau Fakafofonga Fakatipilometika, Kau Fakafofonga ‘o e Tau Malu’i fonua ‘a e ngaahi Pule’anga, kau Takilotu, kau fakaafe pehē ki he kakai ‘o e fonua. Na'e kau fakataha mai ki he laka fakatē ni 'a e ifi 'a e Sotia 'Amelika, Nu'usila mo 'Aositelēlia.
Na’e hoko atu ai pe ki he Taumafa Fakalangilangi ‘a ia koe talitali ia ‘a e ‘Eiki Palēmia mo e ngaahi Potungāue mo Poate ‘a e Pule’anga. ‘Oku hā atu heni ‘a e Ngaahi ‘ata mei he ouau ni.
1 comment
-
Ngali ia koe puel'anga fakatu'i 'oku 'i ai pe 'etau sotia. Malo tamaiki e fakalangilangi.