‘Oku ‘ikai poupou ‘a Vava’u 16 ki he Kākā mo e Faihala 'a Lavulavu, Featured
Vava'u 16
23 'Okatopa 2015
‘Etita,
‘Oku ou faka’apa’apa mo fakahoko atu he tohi ni ke fakamahino ki he kakai ‘o Tonga ni kotoa ‘oku ‘ikai ke poupou ‘a e Vāhenga Vava’u 16 ki he kākā, kai pa’anga mo e ngāue hala’aki ‘o e mafai. ‘Oku mau fiema’u foki he taimi tatau ke mahino ki he Palēmia ‘oku ‘ikai kemau poupou ki he ngaue hala ‘a ‘Etuate Lavulavu he kuo mau maama mo ako pea 'oku mau lotu.
‘Oku mau ongo’i maa mo’oni pea ‘oku mau ‘ilo ko e kakai ‘oku telefoni ki he felāfoaki ‘o poupou ki he pango mo e loi ‘a e Minisitā ko’eni ko hono fāmili ofi pe mo hono kau poupou 'oku nau lele kuikui mo ofi kiate ia pea ‘oku ma’u ha’anau paku’i mā mei he Ministā kākā lahi ko’eni.
‘Oku mau faka’amu ke fakatokanga’i ‘e he fonua koe tokolahi taha ‘o e Vahenga Vava’u 16 na’e ‘ikai fili ia kia ‘Etuate Lavulavu pea na’a nau fili ki he kau kanititeiti kehe ‘a ia koe meimei peseti ia ‘e 70 ‘o e Vahenga 16 na’e fili kehe.'Oku tokolahi 'a e kau Faifekau, kau Ako, kau Tauhifonua, kau Mateaki mo 'Ofa Fonua, kau matapule, kakai mamahi'i me'a moe kakai masiva 'i homau vahenga pea 'oku 'ikai pea he'ikai kemau muimui mo poupou ki ha me'a 'oku hala mo 'ikai totonu.
‘Oku mau faka’amu ange mai ke ‘ilo’ia mai ‘e he kakai ‘o e fonua ‘a ‘emau ta’elata ‘i hono tukulalo’i mo faka’aluma’i ‘aki kimautolu ‘a e kākā homau fakafofonga pea ko hono mo’oni ‘oku mau loto ke fakahoko kiate ia ‘a e pule ‘a lao pea tuku ki tu’a he ‘oku ‘ikai tui ‘a e kakai homau vahenga ki he faihala.
‘Oku mau ongo’i hono me’angaue’aki kimautolu ki he’ene lelei fakafo’i tuitui pea kuo mau fanongo mo ‘ilo mei he letiō ‘a e lipooti ‘a e ‘atita ‘o ‘ilo lelei mei ai ‘ene ngāuehala ‘aki mo hono mali ‘Akosita Lavulavu mo hono foha ko Paea Lavulavu ‘a e pa’anga ‘a e fonua. 'Oku 'ikai lau kiai 'a e ngaahi faihala kehekehe pea 'e po'uli mo 'aho 'oku te'eki ke 'osi hono fakalau.
Na’a mau pehe koe maka ‘oku ta’e totongi ki he’ene tanu hala ka ta koaa ‘oku tu’umalie tokotaha pe ia mo hono famili. ‘Oku ‘afio hifo ‘a Sihova kihomau loto pea 'oku ‘ikai temau poupou’i ‘a e kovi.
Faka’apa’apa Atu
‘Ofa Fonua
Vava’u 16
27 comments
-
Mo'oni Fine tau fakamama'o he lea ki he fakafofonga maloloo he na'e te'eki ai ke faka'ilo ia kiha faihala pea na'e te'eki ai tu'otaha ke toho 'e hono mali ha pa'anga pe tetau ketau fanongo 'oku ne palomesi mai ha me'a 'o hange koe taki ua 'e he 'api e me'alele pea hiki'i peseti 100 e ma'u'anga pa'anga 'a e kakai moe falelalanga 'e fiha he kolo. Ko'eni 'e 'osi e ta'u 'oku kei masiva pe kakai kae toho pa'anga laulaumano ia mo hono mali mo hono foha. 'Oku tau talanoa pe he'etau fakafofonga lolotonga he koia 'oku palopalema ai 'a e fonua pea 'oku lahi hono launga'i. Ko 'eni kuo ne faka'aai'ai e kainga ke tohi tangi 'o kole ke 'oua 'e fakahifo ia mei he minisita pea ne ngaue'aki e kau faifekau 'o hange koe faifekau 'e taha 'oku takai holo 'i Holonga mo e tohi tangi. Tau nofotaha pe 'o sio pe koe ha 'e hoko ki he'etau fakafofonga pe ke ngaue'aki pe 'a e lao moe konisitutone pea koe finangalo ia 'o e'otua.
-
'Oku 'ikai foki ha taha ia 'e haohaoa 'i mamani, pea 'oku te'eki ai pe ha taha ia 'e hange ko Lavu. Ko e fakafofonga malolo ia 'o Vava'u 16 na'e te'eki ai kene lisi 'eia hano fu'u maka 'o ngaue'aki e me'a ngaue 'a e Pule'anga 'o tanaki pa'anga mei ai pea kanoni'aki 'a hono toe tohimo'ua loi e Pule'anga he ngaahi fakamatala fakalahi ta'e mo'oni. Pea kapau leva na'e 'ikai haohaoa e fakafofonga Vava'u 16 pe ko ha toe Fakafofonga he Pule'anga motu'a, pea oo 'o faka'ilo. Ko e me'a 'oku 'ilonga lelei ai 'a Lavu he kuo faka'ilo ia. Temou fakahaofi 'o tau ki langi ka he'ikai lava 'o tanu 'ene me'a 'ana na'e lipooti mai 'e he 'Atita.
Ko e kau Falesi na'e fekau'e Sisu kenau tolongi 'a e fo'i makapa 'okapau 'oku nau haohaoa! Ko e angahala lahi na'e fihia kiai e kau Falesi ia ko 'enau kei piki ki he fono a Mosese mo e tukufakaholo ke fakahalaki 'aki 'a e ngaahi mana mo e ongoongo lelei na'e tala 'e Sisu. Kehekehe lahi 'aupito 'a e ongo case ia pea ko e me'a na'e 'ikai tolongi ai ha fo'i maka.
Kou tui ka fekau he taimi ni ki ha taha 'e he Fakamo'ui ke tolongi ha fo'i maka, 'e 'osi kotoa e matanga ia he tolo maka ka Lavu he 'oku te'eki ai ha taha ia tene fai ha hia pehe! -
'Oku ou ongo'i lahi Vaitu'ulilo ho'o malu'i 'etau fakaofofonga ka 'oku 'ikai teu keu toe sio atu pe koe ha ha uhinga lelei ke tau kei poupou ai ki ai he kuo mahino e me'a kotoa fekau'aki mo 'ene ngaahi ngaue hala pea tetau toe fakatonuhia'i fefe'i. 'Oku tau 'ofa pe ai he ko'etau fili neongo ne tau pehe kuo liliu ka 'oku totonu ke tukuange aa he 'oku ou fakapapau atu tene toe fai 'e ia me'a tetau toe maa ange ai. Kuo fe'unga pea tukuange aa ke si'i maloloo he 'oku lahi e lea mai 'a e kakai ko 'etau tulitonuhia. 'Ofa atu.
-
Malie pea toe lesoni maama ee oku ikai teu poua h Gaue kovi k koe fkamu ae motua ni ke mahino atu ki ho atamai a e mea neu uhiga kiai k oku ke haohaoa he mamani koeni pea ke too e maka o fai e fua Tolo koe uhiga ia eku laulea ki mua he taumaiaa nae haohaoa a etau fkfofoga malolo neogo ko sioku kaiga eni kou tui mhlo kpau naa ke huu I suu nae tui he fkfofoga malolo pea mo lavulavu I heeku koe mea Tatau pe uhiga ia neu fkoc aki ai eku tlmonu Kia lavulavu mo hoko hoko atu e Gaue lelei k oku ikai koe Gaue kovi ofa ke mhino Atu ki he feituu nA pea k oku teeki mahino pea lava Mai ki he VAI-tuu-lilo ke oatu e folofola ae Otua ke fk maama aki koe ke tuha mo hoo higoa ofa atu
-
Maama 'oku faka'ofa he koe fanga ki'i 'ilamutu pe 'o Lavulavu 'oku nau si'i taaimu'a hono feinga'i ke malu'i mai honau uncle ka 'oku totonu kenau ki'i faifaimalie hifo he kuo 'ilo 'e mamani 'a e kakaa. Faifai pea 'eke atu 'eha taha pe na'a nau kau he tohita'u loi na'e 'uhinga ai hono fakahu pilisone honau uncle 'i he selo 'i 'Amelika mo hono fetuku kinautolu ki ai. 'Oku 'ikai koha fakamahamahalo pea koha 'uhinga kehe 'eni 'eni ka ko'etau talanoa mo'oni he facts pea 'oku fiema'u ke 'ilo e kakai ki he kakaa 'a e matapule ni telia na'a nau hahaka hake kuo tomui. http://www.deseretnews.com/article/515036496/Bail-granted-for-Tongan-suspect.html?pg=all
-
Ai Mo tuku aa e oho kuikui Vai-tuku-lilo mo hono poui e kovi kakaa loi moe faihala homo famili mo Lavu kake ofa ho uncle o falei lelei kiai. Keke fakaita o ai ke taaki e maka he hala I holonga Nae totongi ehe puleanga ke tanu. Koe kai ho uncle eku tenali heku tukuhau paanga ae puleanga. Koho uncle Pe nae kekee o tala ene halaia koene fuu fiefia hono fakahaofi eheene pone PM kae ngalo ia ai oku iai e fakamatala e fai he osi. Ilonga lelei ai ene dumpchicken pea ke toe molomolo muivae mo koe ai.
Malo
Maama -
Koau mei Houma ka 'oku ou nofo Tongatapu kei fili pe ki Vava'u. Poupou atu ki he ngaahi lau 'i 'olunga pea 'oku sai pe hotau kainga na'e 'ikai fili hotau tokolahi 'i he Fakafofonga lolotonga ka tau toe tokanga ange na'a totongi'aki kitautolu ha lolimaka. Manatu'i 'oku 'ikai ta'etotongi ha me'a he koe fakafofonga mo hono famili 'oku tu'umalie he ngaue 'oku tala koe 'ofa ki he kakai. 'Oku totongi 'ehe pule'anga 'a e maka pea kuo 'osi fakamahino mai 'e he 'atita. 'Ofa atu Vava'u 16 pea mou 'a aa he kuo 'aho 'a Tonga mo Mamani.
-
Kole atu ki he Fakafofonga matafefeka 'a e Vava'u 16 ke tuku mu'a si'ono faka'ai'ai si'i kakai 'oku 'ikai kenau maa'usia ho'o kakaa ke nau tohi tangi ke 'oua 'e fakahifo koe. Ko e tangata'ifonua au mei Holonga pea ke kataki 'ofa mai aa 'o tuku he'e iku tau 'a e fonua ho'o kakaa mo ho'o siokita 'ata'ataa pe. Fakamalo atu Uilou Samani moe kakai maama mo mamahi'ifonua 'o e Vava'u 16 e fakamaama ki si'otau kakai he kuo tau 'ulupunou.
-
'Oku mau kei fakaongoongo atu ki he'emau Fakafofonga kia Lavulavu pea koe ha me'a 'oku hoko ki he pa'anga tokoni 'a e Fale Alea. 'Oku mahino mai mei he'emau 'ofisakolo 'oku 'ikai ke mahino pe 'oku hu'u ki fe he 'oku 'oku mau ilifia na'a 'oku kau atu moia he tanu hala. 'Oku mole 'emau falala pea mole moe 'amanaki pea 'oku mau poupou atu ki he lau 'a Vaha'ifefeka.
-
Mokomoko koe Vai he ko'etau tukuhau si'isi'i pe na'e kai e Lavu aena kuo 'ilo'i. Malo mo hono fai e fo'i faka'ilo ke 'asi mai ai he tv o talamai e tufa ta'etotongi a e fu'u maka. Ka ko e me'a leka pe ena ia ku 'asi, ku toe fu'u 'uuni me'a ia kuo mei mapuna pea ko kimoutolu koena mou mamahi'i 'a Lavu tokanga'i na ku mou pakalutu mo kimoutolu ia he monuu ka mou ha'i tauanga'a kotoa ha'ane maloloo fakahau ki 'api kuo ne lava'i e fakapuepue pea tau'i e taulelei, fononga ai ki hetesi, hosana ki he afi o heli.
Tuku hono fakahoa mai o Sisu, he oku ma'oni'oni a Sisu ia na'e 'ikai lele lolimaka misini seti ia mo tanaki pa'anga he kakava e kakai. 'iuvi'i ...