Huufi ‘Ene ‘Afio Faka’ali’ali Ngoue ‘a Niua Toputapu Featured
'Ene 'Afio Tupou VI 'i he'ene 'Afio ki he faka'ali'ali 'a e kainga. Faitaa 'a e Pangike Fakalakalaka
20 July, 2018. Na’e huufi ‘e he Tama Tu’i Tupou VI ‘a e faka’ali’ali ngoue, toutai mo e ngaahi ngaue ‘a Niua Toputapu ‘i he ‘aho Pulelulu 18 Siulai ‘a koe Pulelulu ia ‘o e uike ni.
Na’e faka’ali’ali ‘e he kainga ‘o Ma’atu ‘a e fua ‘enau ngaue kae tumu’aki ‘aki ‘enau fiefia he ha’ele ange honau Tu’i ke fe’iloaki mo kinautolu.
‘Oku mahino mei he faka’ai’ali ‘a Niua Toputapu ‘a e kei mahu pe ‘a e fonua ‘o tatau ki tokanga mo ngatai pehe ki he nima mea’a ‘a e kainga.
Na'e hoko atu ai pe 'a e polokalama faka'ali'ali ngoue ki he Vahefonua Niua Fo'ou.
