‘Ikai Ha Kapiteni (Dux) ‘a e Ako Ma’olunga Tonga ki he 2015 Featured
Nuku’alofa, 12 Novema 2015. Kuo ma’u ‘a e fakamatala mei he Ako Ma’olunga Tonga ‘oku ‘ikai ke ‘i ai ha Kapiteni pe Dux ma’a e Ako Ma’olunga Tonga ki he ta’u 2015.
‘Oku makatu’unga ‘eni mei he liliu ‘a e founga ‘oku ‘a’ahi ‘aki ‘a e sivi ‘a e fanau ako mei he Standardization pea koe maaka faka’avalisi ki he raw marks pe koe maaka to’ofua. 'I he'ene pehe leva 'oku 'ikai malava heni ke faka'avalisi 'a e tu'unga 'oku 'i ai 'a e tamasi'i mo e ta'ahine ako 'o hange koe angamaheni.
‘I he fakamatala mei he Ako Ma’olunga ‘o Tonga na’e fakamahino me ai ‘oku ‘ikai malava ‘e he founga fo’ou ko’eni kuo nga’unu kiai ‘a e sisitemi ako ‘a e fonua ‘a ia kuo teke mo poupou’i ‘e he ‘Eiki Minisitā Ako ‘a ia ko e Palēmia ia ‘o e fonua Samiuela ‘Akilisi Pohiva.
‘Oku ‘i ai ‘a e hoha’a lahi heni mo loto mamahi ‘a e matu’a tauhi fanau, fanauako mo e kau kolisi tutuku ‘o e Ako’anga ni ki he nga’unu ko’eni pea 'oku fehu'ia leva pe koe hā ‘ene tu’u ki he kaha’u. ‘I he taimi tatau ko e kaveinga ‘eni na’e lahi hono tālanga’i he fonua ni pea ‘oku tupu ai mo e ngāngā’ehu ‘i he Potungāue Ako ka ‘oku pelulā kotoa ki he tu’utu’uni mei taumu’a mei he Minisitā Ako mo 'ene ngaahi fokotu'utu'u.
Ko e konga foki 'eni 'a e faito'o ki he holo 'a e ako 'i he fonua ni 'o fakatatau ki he savea na'e fakahoko 'e he mo tataki 'e he mataotao 'oku falala kiai 'a e Minisitā Ako ko Paula Piveni Piukala.
Ko e liliu lahi ‘eni ki he tukutuku’au mai ‘a e ako ‘i he fonua ni pea ‘oku faka hisitōlia he koe toki fuofua taimi ‘eni ke ‘ikai ‘i ai ha taha ‘e Kapiteni ‘i he ‘apiako talaa ko’eni ‘o Tonga pea ‘oku taku koe ‘Apiako lelei taha ‘eni ‘i he fonua.
 ‘a e Ako Ma’olunga Tonga ki he 2015 "Pin It")
15 comments
-
Kou tui Salote 'oku sai ke ke 'eke hangatonu atu kihe Puleako ke ne fai mai ha fakamatala, he ko e lahi e ta'emahino koe 'ikai ke fai mo nau 'asi mai 'o fakama'ala'ala kae fiemalie e kakai. Ka 'oku mo'oni e lau 'a Timothy, fai pe 'enautolu 'enau me'a fakaloto'api, tuku pe system raw marks fo'ou ia ki he sivi fakapule'anga. Kae vakai'i atu pe kau faiako 'a Tonga High na'a 'oku 'iai ha fa'ahinga ia 'oku 'ikai ke nau loto nautolu ke Dux e ta'ahine 'a 'Eti Teumohenga pea nau vivili nautolu ki he system fo'ou. Fefe fefine faiako siaenisi mataotao ko ena na'e toki konituleki'i lalouaea mai 'e Lavulavu he ofi 'ae sivi na;a 'oku 'iai hano loto 'o'ona kihe ta'ahine Teumohenga.
-
Fakamatala 'a hai mei THS? Official?
-
Kau eni ia he fakavalevale lahi mo'oni koe politiki 'aki 'ae fu'u me'a 'oku 'osi mahino. Talu e fokotu'u 'ae THS moe 'iai hono dux pea na'e raw mark pe ia meihe kamata mo hono kau dux pea liliu 'o standardize moe kei dux pe. Hange 'oku nau pehe mai 'oku hala 'ae dux 'oe THS he kuonga 'oe raw mark kae toki tonu he kuonga na'e standardize ai...... BS ...... 'Oku ou 'ofa au he si'i fanau kuo 'osi e ta'u kakato 'enau ako mate kenau dux he THS kae tu'usi e faingamalie koia 'ehe kau faitu'utu'uni koeni. Very simple - tanaki pe maaka to'ofua 'ae tamasi'i ako moe ta'ahine ako pea kohai pe 'oku lahitaha 'ene maaka pea koe dux ia. Na'e lahi pe launga he kau Arts student 'ihe kuohili koe ma'u faingofua nai 'ehe kau Science Student 'ae maaka 90 tupu 'onau dux ai ka ko hono fakama'opo'opo koia pe ia. Cheers
-
'Iai pe mo'oni e kau faiako he taumaia tenau sivi he lesoni tatau kotoa e fanau. Kou tui mahalo 'oku kau pe mo eni he liliu he taumaia 'oku fu'u pau fefe ha kapiteni ia ha taha. Mahalo ko e me'a mahu'inga ki he kau tauhi fanau pe 'oku lava 'ete ki'i tama pe 'ikai, pea kapau 'oku lava 'oku 'avalisi he A, B pe C. Kataki he lave noa'ia ka 'oku 'ikai ha'a te lau'ilo ki he mala'e ni.
-
Ikai leva ha makatu'uga 'enau ako pe ha me'a taumu'a ia kene motivate nautolu.