Kaiha'a Fakamalohi Ngaue'aki e Me'atau 'i Vava'u
Kuo puke 'e he kau Polisi 'i he Vahefonua Vava'u ha toko 3 hili ia ha'a nau kaiha'a fakamalohi 'i ha Falekoloa Siaina 'i he Hala Tu'i 'i Neiafu pe.
Fakatatau ki he fakamatala mei he kau polisi 'i Neiafu 'oku tauhi 'a e toko 3 ko'eni 'e he malumalu 'o e Potungaue Polisi pea kuo faka'ilo kinautolu ki hono fa'ufa'u mo palani ke fakahoko ha hia pehe ki hono ma'u o tauhi ta'efakalalo ha me'atau moha mahafu.
Na'e hu 'a e toko 3 ko'eni ki he Falekoloa Siaina 'i he po'uli hifo 'o e 'aho Tu'apulelulu 12 'o Fepueli 2015 'a ia koe uike kuo 'osi ia pea koe taha 'o kinautolu na'a ne to'o 'a e laifolo 'o fakamana'i 'aki 'a e faifakatau. Nenau to'o 'o hola moha pa'anga 'e 5000 pehe kia ngaahi kaati telefoni moha katuni sikaa. Ko e toko 3 ko'eni 'oku nau 'i he vaha'a 'oe ta'u 17 ki he ta'u 26 pea koe tokotaha mei Okoa, Koloa pehe ki ha matapule mei Tokomololo, Tongatapu.
"'Oku 'ikai foki ko'ene toki hoko 'eni 'a e kaiha'a fakamalohi pehe ni 'i he Lolo 'a Halaevalu pea 'oku ki'i popula e kakai ki he fa'ahinga to'onga pango pehe ni" koe fakamatala ia 'a e matapule 'oku 'ikai ke loto ke fakaha hingoa.
