Totongi mo’ua lau kilu ‘o e Minisitā Polisi Mateni Tapueluelu ki he Fakamaau’anga Featured
Minisitā Polisi Mateni Tapueluelu
26 Sepitema, 2017. Kuo ma’u ‘a e fakamatala mei he loea na’a ne fakafofonga’i ‘a e kau Talatalaaki William Clive Edwards ‘i he ngaahi hopo ‘i he vaha’a ‘o Mateni Tapueluelu, Laucala Tapueluelu mo e Nusipepa Kele’a mo e kau Talatalaaki kuo ‘osi totongi kakato ‘a e mo’ua ‘ova he pa’anga ‘e 2 kilu ko’eni ‘o Mateni Tapueluelu ki he kau Talatalaaki.
Ko e mo’ua foki ‘eni ‘o Mateni Tapueluelu lolotonga ‘ene hoko koe ‘etita ‘o e nusipepa Kele’a pea na’e toutou mo’ua ‘i hono faka’ilo ia ki he lau’i kovi’i ‘a ia na’e laka hake ‘a e mo’ua ko’eni ‘i he pa’anga ‘e 2 kilu tupu.
Na’e fakamahino ‘e William Clive Edwards ki he ongoongo ni kuo fakahā mei he Fakamaau’anga kuo ‘osi totongi ‘a e mo’ua ko’eni ‘i he uike ni pea kuo tuku atu ‘a e pa’anga totongi ko’eni ki he Fale Pa’anga ke tufotufa mei ai ki he kau Talatalaaki ‘o e ngaahi hopo ko’eni.
‘Oku kau foki ‘a e totongi ko’eni ‘a e mo’ua ki he'ene toutou hopo mo William Clive Edwards, Samiu Vaipulu pehe ki he kau Minisitā ‘e toko 7 ‘o e Pule’anga motu’a ‘a ia na’e kau kiai ‘a Lord Tu’ivakanō, Dr. ‘Ana Taufe’ulungaki, Dr. Viliami Uasike Latu, Sione Sangster Saulala mo Fe’ao Vakata.
‘Oku mahino foki koe konga ia ‘o e ngaahi fiema’u kimu'a pea hoko koha kanititeiti ki he teu fili ko’eni ‘i he ‘aho 16 ‘o Nōvema kuopau ke fakapapau'i 'oku 'ikai ha mo'ua ‘i he Fakamaau’anga Polisi mo e Fakamaau'anga Lahi.
‘Oku mahino koe pa’anga lahi mo’oni ‘eni ke malava ke totongi pea 'oku faingata'a ka ‘oku mahino pe foki ‘oku ma’u ‘e he Minisitā ko’eni ‘a e poupou ‘a e ni’ihi ‘a ia'e malava pe kenau tokoni ke totongi ‘a e mo’ua ko’eni.
13 comments
-
Ko e tanunga pa'anga 'eni mei fe?
Ko e ha ee terms and conditions ki he TOP$200,000+ ko 'enii? -
Mo'ua lahi ko e NGUTULAU, tau'i e faihala 'aki 'a e NGUTULAU, langafonua 'aki 'a e NGUTULAU oua toe tuku e NGUTULAU he 'oku lahi ho'o mou silini ki he totongi 'o e mo'ua he NGUTULAU ee.
Na'e fakaha 'e he Palemia he Press Conference fakamuimui e totongi e he Kele'a honau mo'ua laumano pea ne pehee ko e halanga ia ki he pule lelei kuopau ke pehee. FAahinga fakauhinga oku ma'ulalo, ke fou he NGUTULAU mo e Lauikovi'i o tala ko e halanga ki he pule lelei. -
Malo kuo lava atu ia, pea mahalo na'e kau ai moe interest he ngaahi ta'u ko eni na'e fiu tali ai e kakai ki he'enau paanga. Ka 'oku totonu pe foki ke toe fakaha ke 'ilo e feitu'u na'e ma'u mei ai e fu'u pa'anga lahi pehe fau. Hange kiate au 'oku kau e ngaahi fiema'u ke declare e source of funds, ke mahino pe 'oku 'ataa mei he money laundering moe drug money moe ngaahi alaa me'a pehe.