Faka’ikai’i ‘e Tevita Palu ‘oku ‘ikai kau ki he Paati PTOA ‘a ‘Akilisi Pohiva Featured
Tevita Palu Kanititeiti Fika 3 ‘o e Vahenga Fili Tongatapu 3
4 ‘Okatopa, 2017. Kuo faka’ikai’i e he Kanititeiti Fika 3 ‘o e Vahenga Fili Tongatapu 3 Tevita Palu ‘oku ‘ikai kene kau ki he Paati PTOA ‘a ia ‘oku taki ai ‘a e Palemia Fakataimi ‘Akilisi Pohiva.
Na’e fakamahino foki ‘e Tevita Palu ‘oku lahi hono ‘eke ange ‘e he kakai hono vahenga fili pe koe mo’oni hono fakakau ia ‘e he Paati PTOA ki he’enau kau kanititeiti ki he teu fili Fale Alea ‘o e ‘aho 16 ‘o Novema pea na’a ne fakamahino ‘oku ‘ikai.
Na’e toe fakaha foki ‘e Tevita Palu ‘oku tu’u tau’ataina pe ia pea koe loto pe ia hono kau poupou pehe ki hono famili.
Na’e makatu’unga foki hono fakamahino ‘e Tevita Palu ki he ngaahi kautaha ongoongo ‘a e me’a ni ko e lahi hono ‘ohake ‘i he mitia faka-sosiale koia ‘a e Kanititeiti ‘a e PTOA ki Tongatapu 3.
