“ KAU TANGATA...FAI MO TUI HA'A MOU PIVA, KA E TUKUĀ E KAPE MAI IA...KO E ME'A IA 'A E FINEMĀTU'A.
Kātaki 'o toe fakalelei'iange 'a e fokotu'utu'u 'a e ngaahi fa'utohi 'i he taumu'áni, 'a ia 'oku tu'uaki'i mai ko e ngaahi fakamatala falala'anga. Tokua 'oku mahu'inga tatau mo e ngaahi fekumi, mo e fakatotolo fakaako, mo e fakatotolo 'a e kau faiongoongó.
1) Mole ke mama'o: Ko 'etau ngaahi puhi hoe (useless babbling) 'oku fai 'i heni ko e ngaahi faka'uto'uto pe (opinions). 'O kapau ko e fakamatala faka-faiongoongo, pe ko ha me'a mahu'inga ketau 'ilo ki ai, pea kuo pau ke faka'eke'eke 'a e kau ma'u mafai, pe ko ho'o fai 'a e savea'i 'o e kakai kotoa 'oku nau faka-kaungatāmaki 'i he polokalamáni (stakeholders).
2) Fokotu'utu'u 'a e fa'utohi ko e 'ēsei, ka e 'oua 'e fa'u tavale pe 'o hangē ha talanoa 'i ha faikavá. Ko e hala vavetaha ia ki he lau'i kovi, pea faka'ilo 'a e kau 'ētitá, pea mo koe foki.
3) Fokotu'utu'u 'a e 'ēsei, pea 'omai ki he kau 'ētitá ke pulusi ko ho'o fa'utohi (authored composition) ke fokifokihi mo fisifisi'i hono totonū, mo hono falala'angá.
4) Maumau 'etau puhi hoe 'oku fai 'i heni, he ko e ngaahi hualelá pe (hearsay; rumor; personal attacks; humorous).
5) 'Oku mamahi hoku matá 'i hono lau e fa'utohi lōloa fau, peau tō au ia 'o mohe.
Mālō. ”