Lohiaki’i ‘e Tomifa Paea, Minisitā Takimamata mo ‘Akosita Lavulavu ‘a e Fonua Featured
Nuku’alofa, 19 Sanuali 2016. Makatu’unga ‘i he mahu’inga ke ‘ilo ‘a e kakai ‘o e fonua ki he anga hono fakamoleki ‘a e pa’anga ‘a e fonua, na’e muimui’i ofi ai ‘e he ongoongo ni ‘a e totongi pa’angaa na’e fakahoko ‘e he Poate Ma’u Mafai ki he Takimamata (Tonga Tourism Authority) ki he ‘Apiako ‘Uniaki ‘o Tonga ‘a ia ‘oku Puleako ai ‘a Akosita Lavulavu koe mali ‘o e Minisitā Takimamata ‘Etutate Lavulavu.
Ko e totongi pa’anga foki ‘eni fekau’aki mo e ki’i kau tame’alea ‘a e ‘Apiako ‘Unuaki ‘o Tonga ‘oku nau fakalēleafilo ‘i hono tali ‘o e kau folau ‘eve’eva ‘i he mala’evakapuna Fua’amotu. Na’e ‘oatu foki ‘e he ongoongo ni kimu’a ko e $53200 na’e totongi ki he ‘Apiako ‘Unuaki ‘o Tonga fekau’aki mo e ngāue ni.
Na’e taimi nounou hono tukuatu ‘o e ongoongo ni kuo tukumai ‘e Tomifa Paea ko e Sea ‘o e TTA ha fakamatala ‘oku ‘ikai mo’oni ‘a e totongi pa’anga ko’eni pea na’e tuku mai foki ‘eni ‘i he ongoongo ‘a e Letio Tonga ‘i he ‘aho Falaite 15 Sanuali. ‘I he taimi tatau na’e toe tukumai mo e tali ‘a ‘Akosita Lavulavu ‘i he Mitia Fakasosiale (Social Media) ‘a ia na’e ‘uluaki paaki mai ‘i he Vava’u Politics ‘i he Facebook ‘oku fakalele ‘e he ‘ilamutu ‘o ‘Etuate Lavulavu ‘o faka’ikai’i na’e ‘ikai ke fakahoko ha totongi pa’anga ki he ‘Unuaki ‘o Tonga.
Na’e toe ‘omai foki moe komeni ‘a e Minisitā Takimamata ‘i he Mitia Faka-Soasiale ‘o faka’ikai’i ‘a e ongoongo ko’eni pea tala tokua koe feinga fakangalikovi’i moe tukuhifo tokua. ‘Oku mole ke mama’o ha taumu’a pehe ni ‘a e ongoongo ni ka koe ngaahi me’a mo’oni pe ‘oku ‘oatu pea he’ikai toe mavahe ia mei ai he ‘oku ‘i ai hono fatongia ke ‘oatu ‘a e mo’oni ki he kakai ‘o e fonua.
‘I he mahu’inga ke ‘ilo ‘a e kakai ‘o e fonua ki he mo’oni ‘o e me’a ni ‘oku tuku atu ai ‘ehe ongoongo ni ‘a e tatau ‘o e vausia sieke ‘a Poate Ma’u Mafai ki he Takimamata (Tonga Tourism Authority Cheque Voucher) ‘a ia ‘oku hā mahino ai ‘a e ‘aho mo e taimi na’e fakahoko ai ‘a e totongi ko’eni.
Hange koia na’e ‘oatu kimu’a ‘e he ongoongo ni na’e fakahoko ‘a e totongi ko’eni ‘i he ‘aho 22 ‘o Tisema 2015 ‘a ia ko e sieke fika 000974 ‘a ia na’e fakamafai’i ‘e Tomifa Paea (Sea TTA) pea fakapapau’i ‘e Mana Kite (Pule Le’ole’o TTA) pea na’e ‘ave ‘a e Sieke ko’eni ‘e ‘Akosita Lavulavu ‘i he ‘aho 23 ‘o Tisema 2015 mei he ‘Ofisi ‘o e Poate Ma’u Mafai ki he Takimamata ‘a Tonga (TTA). ‘Oku ‘asi foki ‘i he tatau vausia sieke ko’eni ‘a e fakamo’oni hingoa ‘a ‘Akosita Lavulavu koia na’a ne ‘ave (received) ‘a e sieke ko’eni ‘a ia na’e fakatu’asila ki he ‘Unuaki ‘o Tonga.
‘Oku mahino mai foki koe $43000 na’e totoni ki he ‘Unuaki ‘o Tonga ‘a ia koe konga pe ia ‘o e mahu’inga koe $53200 na’e ‘inivoisi faka kātoa mei he ‘Apiakao ‘Unuaki ‘o Tonga ‘i he ‘inivoisi katoa ‘e 23 na’a nau fakahū atu ki he TTA ‘o kamata lau mei he mahina ko Siulai 2015.
‘Oku fehu’ia foki heni ‘a e tu’unga falala’anga ‘o e kakai kuo fili kenau tataki ‘a e ngaahi Poate ‘a e Pule’aanga ‘a ia ‘oku ‘ikai kenau malava e tuku mai ‘a e me’a totonu ki he fonua kanau ‘omi ‘a e ngaahi fakamatala loi pea fakamanamana tokua tenau ‘eke fakalao ‘a e ngaahi ongoongo ‘oku tekeutua hange ko Kao ‘ene mo’oni.
‘Ikai ngata ai ka ko hono faka’ikai’i ‘e ‘Akosita Lavulavu ‘a e totongi pa’anga ko’eni ki he ‘Unuaki ‘o Tonga lolotonga koia ‘oku ne ‘ilo lelei pe koia na’e ‘alu ‘o ma’u mai ‘a e sieke pea ne fakamo’oni hingoa he Tatau Vausia Sieke ‘a e TTA koia na’a ne ma’u ‘a e sieke ma’ae ‘Unuaki ‘o Tonga ‘a ia ‘oku ne Puleako ai.
‘Oku ‘i ai ‘a etui ta’e toeveveiua ‘oku totonu ke tokanga lahi ‘a e Pule’anga ki he kakai ‘oku nau falala kiai kenau fua ‘a e ngaahi fatongia mamafa ‘i he fonua he ‘oku nau ‘oatu ‘a e ‘ata ‘oku ‘ikai lelei ‘o e fonua mo e Pule’anga ki mamani tautautefito ki he Takimamata.
14 comments
-
Oku mooni 'aupito koe Siaosi, ne mahino he Falaite 29 Sanuali e fakamaloloo'i a Lavulavu mei he Falealea pea ui leva ae fakataha Poate Takimamata he Tokonaki 30 Sanuali ke nau feinga ke 'oua e fakamaloloo'i 'a Lavu. Mahino lelei ai foki fehoko taki lelei 'a Lavulavu moe kau Talekita, fielau pe foki he koe toko 4 ia 'oe kau Talekita kau ai e Sea ne fili'i pe ia e Lavu, pea fakapaasi he'e Kapineti, kae 'ikai ke fou ia he founga angamaheni. Faka'ulia moo'ni ko'enau ta'e mahino pea 'ikai ke nau faka'apa'apa'i e tu'utu'uni 'ae Fakamaau'anga... faka'ofa mo'oni ko e Takimamata ia.
-
'E fu'u loloa ha uike ia 'e 2 temou kei maheni ai, he na'e ofi atu pe a Tomifa ia e Sita mo Etuate koeuhi ko e lakanga, ko e me'a mahino ngofua aupito pe ia 'a e ofi a ha taha koe'uhi ko e lakanga. Kou tui 'oku 'osi read mo ongo'i 'e he kau ex-Ministers 'a e me'a koeni kou talanoa atu ai. Koia ai ko e lesoni ke ako mei ai e kau Politikale 'oku 'amanaki hoko ki ha lakanga, 'oua 'e hikisia, pea ke siosio lelei e kakai teke feohi mo vaofi moia he ko ho ki'i kakala 'e fakataimi pe, 'e taimi nounou aupito pe mei heni kuo ikai ke toe taha e kautama ia koeni. Pango ko 'etau sio ki he me'a koeni 'oku ke iku kiai Etuate ka ko e kakava kotoa pe oku 'i ai hono tuha.
-
Kuo mau ehe poate takimamata ia e mahaki foou koeni koe sukilikilua he oku nau feinga ke toe omi pe a Lavu. Oku mei kei atamai lelei koaa pe ikai 'a e kau poate ai ai hoo mou hu lalo uaea mo hoo mou toe mau e sukilikiliua. Mou fakamolemole 'o me'a kotoa ki homou api o takitaha ta ene no ke 'osi. Faifai hoo mou vivili pea hiki e tautea ia o Lavu o tuku e alu ki api kae alu ia ki Tolitoli.
-
'Akosita si'i 'alu aa o taki ho mali ke mo foki ki 'api, oku toe faka'ofa ange 'ene feinga 'ana ke kei piki ki hono lakanga, pea te mo toe ngalivale ange ai. Tuku e tu'u aki ia e totonu he 'e toe fuhifuhi homo kafo 'o kimoua.
-
Faka'ofo'ofa pe totongi 'o si'i kau faiva kapau na'e a'utonu ki si'o nau nima pea fou he founga. 'Oku malie ma'u pe e fakamatala moe fokotu'utu'u ka koe ma'u pe pa'anga ia kuo tetetete e hui ia.
-
Ko e me'a pango 'eni kuo hoko ka 'oku ne talamahino mai kapau 'e touotu hoko pea 'oku totonu mo taau ke fakangata. 'I he taimi lahi koe kakai 'oku nau natula faihala 'oku nau lau 'enautolu 'a e hala koe tonu pea lau e tonu koe hala oea hoko moe loi ko hnau mafu tefua. Faka'ofa koe 'ikai fei mo fai ha me'a ki he ni telia na'a hoko ha me'a ia 'oku toe kovi ange.
-
'Etuate kapau 'e si'i tuli koe ia he uike kaha'u 'e si'i fefe si'i Tomifa mo hono famili he ku nau si'i taula holo 'ia koe ke si'i ma'u ha'anau fo'i ma. 'E si'i fefe si'i Sita, 'e toe 'ave kau show mamafa 'o ta 'ife'ia? Faka'ofa mo'oni ha motukuu e me'akotoa, vakai namou fe taufana'aki ee.
-
Fakamamahi ho'o mou fakapotanga hono kakaa'i e kakai. Manatu ka kimoutolu temou 'osi kimoutolu, ka 'e hoko hake ho'o mou fanau 'o inu e mamahi mo e kona ho'o mou kai e kakava e kakai. Feinga ke tohi ia ki homou loto.
-
Dear Readers
We should all thank the Prime Minister for changing the mindset of the people from dark to the light. He is a primitive god to a lot of people. His way of life defines what and where he is today. He is not well for the job according to various health report. He is in love with power and will not resign. He is blinded with bad bitterness, anger and hatred to a lot of good people that develop the nation with facts and honesty.
However, the duty is rested on us, what are we going to do? He will not backoff for sure. -
When will the PM 'Akilisi do something about these allegations?..Why is it easy for him to look elsewhere for corruption when it is right there in his own Cabinet and yet do nothing about it ?..Ne fa'a 'iloa'aki e ngaahi taimi kimu'a 'a e Palemia koeni na'e hange ha kuli le'o 'ene kalou he meimei me'a kotoa pe ne ngalikehe 'i he 'u ngaue 'a e ngaahi pule'anga kimu'a...kuo 'i fe kuli ko ia ?..ngali kuo tokanga kai e kuli ia he taimini ke toe fakasio ha kaiha'a ?..he ko 'ene makona pe ha kuli kuo tokotokoto aipe ia 'o mohe mo tali 'alu toilet...pea mahalo koe me'a ia kuo hoko he pule'anga ko'eni he kuo nau nofo ke fai fakamaau'i holo e ngaahi ngaue hala he kuohili pea front page 'aki 'enau pepa ko e Kele'a ke taki 'aki e tokanga e kakai ki ha ngaahi issue kehe ke 'oua 'e fakatokanga'i 'enau ta'anga e ivi e kakai...talamai ange ha taha pe kuo 'asi tu'otaha ha issue e Kele'a fekau'aki mo ha ngaue hala ha taha he pule'anga 'o 'Akilisi?..fefe 'a Lavulavu?..Mateni ?...fefe ngaahi tukuaki'i koeni kuo 'i ai hono fakamo'oni pau ka 'eke'i 'oku malava fakamo'oni'i?..'ikai hange ko e ngaahi tukuaki'i hala 'a e Kele'a mo e Palemia 'oku fa'a fafanga 'aki e kakai pea iku hopo'i 'o nau mo'ua ai koe loi...best solution is for this Prime Minister to resign from office , don't even know what has he done for the country so far when in office, all he has done in his first year has been NOTHING!!!!!..whatever work that has been done or is still in process are projects and work done by previous government..This government is all about taking as much as they can from the taxpayers for their own individual needs..