Feinga Palēmia ke Fakahifo ‘Ateni Seniale Featured
'Ateni Seniale 'Aminiasi Kefu
Nuku'alofa, 14 2015. Kuo ma’u ‘a e fakamatala falala’anga pea kuo tuku mai foki ‘e he Letio FM 89.5 ‘a e ongoongo fakaloloma fekau’aki mo e tohi na’e fakahoko ‘e he Palēmia Samiuela ‘Akilisi Pōhiva ki he ‘Ene ‘Afio ‘a ia ko e ‘ulu ia ‘o e Fakataha Tokoni (Privy Council) ‘o fakahoko ‘ene ta’efiemālie ki he fakahoko fatongia ‘a e ‘Ateni Seniale.
‘Oku mahino pe foki ‘i he Konisitūtone ‘o e fonua ‘a e kehekehe ‘a e ngaahi mafai (separation of powers) ‘a ia ‘oku kehe ‘a e va’a fakahoko ngāue pe ko e Pule’anga ‘a ia ‘oku taki ‘e he Palēmia mei he Fale Alea ‘o Tonga kae pehe ki he Fakamaau’anga.
‘Oku mālie he koe liliu Pule’anga ‘o e 2010 na’e tuku ai ‘a e Fakamaau’anga mo hono ngaahi lakanga ‘o kau ai ‘a e ‘Ateni Seniale kenau ‘i he malumalu ‘o e Tu’i mo ‘Ene Fakataha Tokoni pehe ki he pēnolo ki hono fili ‘o e ngaahi lakanga ni (Judiciary Panel).
Ko e nga’unu ‘eni ‘a e Palēmia ‘oku fakatu’utāmaki ‘i he ‘uhinga ‘oku ‘ikai takitaha tu’u hono fatongia mo hono tu’unga ka ‘oku natula fakaaoao pea kuo ‘i ai hono hisitōlia pea ‘oku fiema’u ketau vakai kiai. ‘I he konga kimu’a ‘o e ta’u ni 2015 na’e ‘i ai ‘a e tohi ‘a e Palēmia ‘Akilisi Pohiva ki he ‘Ateni Seniale Le’ole’o ‘Aminiasi Kefu ‘o fakahā kiai ‘ene ta’efiemālie ki he tu’utu’uni ‘a e Fakamaau’anga Lahi fekau’aki mo e hopo ‘a ‘Eiki Nopele Tu’ilakepa. Na’e ‘ikai foki fiemalie ‘a e Palēmia ki he tautea na’e fakahoko ‘e he Fakamaau’anga ‘i he hopo ni pea koe fo’i kaunoa mata’a’a ‘eni ‘i he anga ‘o e vahevahe ‘o e mafai (separation of powers).
Na’e toe faka’ilo foki ‘e he ‘Ateni Seniale ‘o fakatatau ki hono fatongia kuo tu’utu’uni ‘e he lao ‘o e fonua ‘a e Fakafofonga Fale Alea ‘o Tongatapu 4 Mateni Tapueluelu ‘a ia koe foha ‘i he fono ia ‘o e Palēmia fekau’aki mo e ‘ikai totongi hono mo’ua Fakamaau’anga kimu’a ‘i he Fili Fale Alea 2015 ‘a ia ‘oku lolotonga ‘i he Fakamaau’anga Lahi ‘a e hopo koia.
‘I he’ene pehe leva ‘oku ‘oku lava ke faka’uhinga ‘eni ‘oku tupu ‘a e ‘ikai fiemālie ‘a e Palēmia ki he fua fatongia ‘a e ‘Ateni Seniale ko ‘ene faka’ilo hono foha ‘i he fono ‘i he funga hono fatongia kuo tu’utu’uni ‘e he Lao mo e Konisitūtone. Ko e ongo fakatangata pe 'eni pea ‘oku fakanatula pe ia ke hoko neongo ka 'oku fepaki ia moe fakamaau totonu.
‘Oku ‘ikai koha faka’ilonga lelei ‘eni ki ha fonua Temokalati mo Tau’ataina ‘a e ho’ata mai ‘a e fakaaoao mo e feinga ke fakahoko pe ‘a e fatongia ‘o e ngaahi mafai ‘o fakatatau ki he fiema’u ‘a e Taki ‘o e fonua mo hono famili mo e kulupu faka politikale ‘oku kau kiai.
Ko e pēteni ‘eni ‘o e fakaaoao ‘a e Palēmia kuo tukutuku'au mai he taimi nounou pea ‘oku fu’u ‘ilonga he kuo ne fa’ao ‘a e mafai ‘o e Fale Alea pea kene fai tu’utu’uni pe ki he’ene kau Minisitā ‘o hange ko e keisi hono Faka’ilo Faka Fale Alea ‘o Lavulavu. Ko ‘eni kuo ne kapa mai ‘eni ki he Pule Tolu ‘o e fonua ‘a e Va’a ki he Fakamaau’anga (Judiciary) ‘o feinga ki he Tu’i ke Fakahifo ‘a e ‘Ateni Seniale ko e ‘ikai ke hoa ‘ene fakahoko fatongia mo ‘ene fiema’u faka tikitato.
‘Oku tau monu’ia he koe fokotu’utu’u mei ‘olunga ke kei tuku ‘a e konga moe mafai ki he Pule hono Tolu (Fakamaau’anga) ki he ‘Ene ‘Afio pea ke kei unga kiai ‘a e fonua mo hono kakai. Ko e langi mama’o ‘eni ‘a Ha’a Moheofo he kane ’ikai ‘oku ‘ikai ketau ’ilo pea te tau fēfē‘alaa.
14 comments
-
Ko 'Aminiasi kefu 'oku 'ikai toe 'eke'i 'ene ngaue he mala'e 'o e Lao pea kuo fakatokanga'i pea na'e 'i ai 'a e fakalangilangi kiate ia 'a e PUle'anga Nu'usila he ngahai ta'u kuo maliu atu. Kuo te'eki ke faka'ilo pe 'e mo'ua he Fakamaau'anga pea 'oku 'ikai keu sio atu kiha 'uhinga ke fakahifo ai.
-
'Oku 'ikai ketau ofo pea ko hono 'ai mahino koe si'i ngata'anga pe 'eni 'o e Palemia mo e anga 'o 'ene mahino si'isi'i ki he temokalati na'a ne teke.
-
E mea e koe iai Pe ha taha e fakafepaki ene fakakaukau kihe tuutuuni moe fakapone a Akilisi pea kuo pau kene tuku ia Ki tu'a. Kae fefe kakai Oku ikai kenau fiemalie Ki heene ngaahi fai fatongia? Ko hai tene tohi tuku ia Ki tua? Kuo hoata Malie mai e me'a Koe tikitato moe loto kovi moe valengangau he Palemia o Tonga. Me'a ngalivale mooni pea toe fakakauleka mo fakalautohi puleanga Koe toonga ae Palemia.
-
Ko 'Akilisi Pohiva Palemia 'o e 'aho ni ko e 'ata totonu pe sino ha mai ia 'o e TA'EMAHINO MO E 'ATAMAI KOVI.'Oku 'ikai ngata pe 'i he'etau sio ki he'ene ngaahi to'onga FAKATIKITATO ka 'oku tau toe sio mata he me'a ko e 'ULUKOVI.
Pea ta ne'ine'i pe ke pehee ia he na'e ngata pe he lautohi pule'anga 'ene faifatongia.
KUO TAIMI KENE MA'U A HA MALOLOO KI 'API, TELIA NA'A HOKO HA ME'A HE FONUA NI.