“ 'Oku 'ikai pe 'e loea mo e tangata'ifonua 'o Tonga mo mamani lahi William Clive Edwards, SC, ke to e poto 'a e PM 'a Samuela 'Akilisi Pohiva (pea to e kau atu ki ai mo Lopeti Senituli (mo Dr Sitiveni Halapua hono hiki 'a e 'apiako Fokololo e Hau mei he MOE ki he FISA mo Dr Ngongo Kioa mo e lao pango mo ta'e'uto 'a e Pangike Pule ki he PM mo 'ene kau minisita he Fale Alea) ko e lavaki mo e muimui kuikui he pule kovi mo e taki kovi ko e matolutu'u 'o e fieha mo e siokita ko e ngaue 'a e fakatauele 'o e pa'anga ka e 'IKAI ko e faifeilaulau 'o e mo'oni mo e lelei ma'e mo'ui fakalukufua fonua) hono toutoufai 'a e me'a ko e ngutufa'ele, ngutupiva mo e ngutulau. 'Oku hanga nai he'ene akosope mo e alaalavale he mafai 'o fakahala'i mo fakakuihi 'a e PM 'a Samuela 'Akiisi Pohiva ke loi, faihala (kaka), ta'etoka'i, ta'efaka'apa'apa, mo ta'e'ofa ko e me'angaue mo e naunau 'a e pule fakatikitato ka e 'ikai ke mo'oni, faitotonu, faitoka'i, faka'apa'apa mo 'ofa ko e me'angaue mo e naunau 'a e pule fakatemokalati? 'Oku totonu ai he'ene ('avanga) tu'u fakahehei mo ('avanaga) tu'u fakafemaleleaki ko ia ke liliu leva 'a e Paati Temokalati 'Otumotu Anga'ofa (PTOA) 'a e PM 'a Samuela 'Akilisi Pohiva ki he Paati Fakatititato 'Otumotu Angakovi (PFOA)! 'Oku 'uhinga leva ia ke veteki faka-Tu'i leva 'a e Fale Alea (mo e Pule'anga), 'o hange ko e lea 'oku fa'a mahe'a he fonua, Ke to e veteveteki he 'oku kovi ka e to e fokotu'utu'u fo'ou ke lelei! 'Oku 'oatu ai 'a e poupou katoi mo malohi ki he fakakaukau fungani mo e ngaue lelei mo 'aonga lahi 'a e Komiti Fakafonua Fakafepaki Faihala (KFFF)! ”