“ Tika Miko...Ko e tanaki 'o e fakamo'oni (evidence) 'oku 'ikai fai tavale. Tautau tefito ki he Pule'anga, he 'oku lahi 'enau fie-'eiki mo e siolalo mai (stonewalling); pea nau filifili manako 'o 'ikai kenau toka'i mai 'a e kau Tonga foki mei muli. 'Oku nau fie pule ki hono malu'i 'o e Palemia 'o faka-ngatangata (gatekeeping) homau faingamalie (access) ki ai. Sioange aa kimoutolu: Ko Kalafi Moala eni na'e kau ke kaalou ki hono taputapui 'enau faipulusi 'i he kuohili, 'oku takimu'a hono faka-faingataa'ia'i kimautolu. Fakataataa #1: Ko e Press Conference eni 'e 2 mo e NZ/AUS Minisita Muli kuou 'alu ki ai. Na'e faka-ngatangata 'a e fehu'i ki he 4 pe. Pea lolotonga e faiatu e ngaahi fehu'i, kuo kaila mai e kau fale'i 'o e Minisita ('i he lea faka-Tonga) ke fetongi 'a e taumu'a, koe'uhi na'e faingata'ia 'a e Palemia 'i he 'ene tali fehu'i. Ko ia teu faka'aonga'i e ngaahi founga kehekehe ke ma'u ha fakamatala ofiofi ki he totonu ma'a e kakai. Fakataataa #2: 'I he faka-faingata'a pehe 'e he kau malu'i 'o e Palemia, kuopau ke fai fakavavevave 'emau ngaue he 'oku maumau vave (perishable) 'aupito 'a e ongoongo: Fiema'u ke tukuatu ki he kakai 'a e ngaahi fakamatala ofiofi-taha ki he totonu 'i he vavetaha. Ko ia 'oku feinga ai 'a e kau Pres Corps 'a tu'a-pule'anga ke tali e ngaahi fehu'i 'a e mitia 'i he vavetaha. Ka 'i Tonga ni, 'e mafu e ongoongo ia lolotonga 'oku mau kei tatali ke ma'u ha faingamalie ke fakaava mai ha ki'i fo'i ava'i fa'o. ”