“ ‘IKANI SELUPE MO ‘OUA E FIU…Mo kātaki ‘o fokotu’u mai ho’o mo taumu’á ke mahino. Tuku e lea-manuki mo e lea noa’ia ‘aki e ta’e ‘uhingá. Fokotu’u mai ho’o mo fakakaukaú faka-potó ketau fokifokihi, kae ‘oua e tala ‘oku mo fai mai e fakatonutonu…ko e fakatonutonú ko e me’a ia ‘oku fai ‘e he tokotaha ako pea ‘oku taukei ‘i he mala’e ‘oku lea ai.
‘Oku mahino kia Pita ‘ema felāfoaki he ‘oku ma talanoa ‘i he tu’unga ‘oku ne mahino’i, he ko e tokotaha ako mo ia. Pea ‘oku ‘ikai ke toe fakapulipuli’i ha me’a ‘i he ‘ema felāfoakí. Ko e founga faka-saienisi ia ‘o e fakatotolo mo e fekumi faka-‘atamai. Tukukehe ho’o mo sio lalo mai ‘a moua, he ‘oku ‘ikai ke mo mahino’i.
Ko ena ‘oku mo lau ‘eku fa’utohi, ka ‘oku mo lotokovi, mo e meheka, ko e si’isi’i ho’o mo ‘ilò. Pea ‘e ‘ikai teu tukulolo atu au ki ho’o mo manukí, pe teu kole fakamolemole atu. Feinga’i ho’o mo fakamatala fa’utohí ke fefekaange, he “’Oku Sai Ketau ‘Ilo Ki ai.” Pea fa’u mai ha’a mo “essay” ketau sio ki ha’a mo ki’i fakatotolo loloto ki ho’o mo ‘iló ketau ako mei ai.
’Oua-e-Fiu…’oku ta’e ‘uhinga ho’o fu’u fakamatala loloa tokua ko e “kili’i me’a maumau taimi” ‘eku tāvahe mo Pita. Koehā ho’o taukei ‘i he fakatotolo ki he “Renewable Energy”? Ko e lau talatō ena ia ‘a e ta’e ako ‘oku ke fai, ke kape’i (personal attack) mai ‘a ‘eku fakatonutonu fakaako ‘a Pitá. Tufi koe ‘Oua-e-fiu he ko e mala’e ‘o e Nepitunó ‘oku ‘i heni ‘a e tu’unga ako kotoa. Tu’uaki mai ‘e koe ‘a e faka’aonga’i ‘o e lea faka-fonua kehekehe kau ai ’a Siaina, pea ‘oku ‘ikai fiema’u ke totonu e kalama, etc.
‘A ia ko e ngata’anga pē ia ho ‘atamai ko e kape’i holo e kakaí e? Pea kātaki ko hoku hingoá ko Sione A. Mokofisi. ‘Oku ‘ikai ko e Sione T. Mokofisi.
Koehā ‘oku ‘ikai faka’aonga’i ai ‘e ‘Amelika ‘a e lea ‘a e kau ‘Initia Kulá, mo Nu’u Sila ‘a e lea ‘a e kau Maulí? Me’a ta’e ‘uhinga mo’oni ko ho’o fakamatalá e? Toe ki’i feinga ke ofiofi mai ho’o faka’uhingá. Mahalo na’a ‘oku sai ke fai atu ho’o kape’i holo e kakaí ki he nusipepa Kele’a ‘oku fonu ai ‘a e kau ta’e akó e? ”