“ Koe ngaahi tohi kuo tuku mai 'i he social media fekau'aki moe me'a ni:
1. Tohi mei he PM ki he Minisita Public Enterprises Poasi Tei - 'o fakahaa 'ene mamahi fekau'aki mo Viola, fakataha mo 'ene fokotu'u atu ke fakamalolo'i 'a Viola mei he ngaue;
2. Tohi mei a Minista Poasi Tei kia Tapu Panuve (moe kau talekita Poate ICT) fekau'aki moe tohi 'ae PM ('i olunga), 'o fekau ke fai ha ngaue 'ae Poate ICT ki he 'uuni me'a 'oku tokanga kiai e PM, pea lipooti ange kiai;
3. Tohi mei he sekelitali e Poate ICT (Ane Mailangi) ki he Pule of Tonga Broadcasting Commission (TBC), Nanise Fifita 'o fakaha ange e tu'utu'uni e Poate ICT ke fakamalolo'i 'a Viola.
Mei he tohi 1 ki he tohi 3, 'oku matamata 'oku 'ikai fakatokanga'i 'e Minista Tei pea mo Tapu Panuve mo Poate ICT ko 'enau tu'utu'uni 'oku makatu'unga he TOHI KOLE 'a Viola ke fai ha fakataha moe kau faiongoongo. Ne te'eki fai ha fakataha ke 'eke ai 'e Viola e 'uuni me'a 'oku tupu ai e mamahi e PM.
'Aia kuo fai pe e tu'utu'uni tautea TE'EKI fai ha fakataha ke ma'u ai ha faingamalie 'o VIola ke fai ai ha hia. Koe me'a 'e 2 ke fai kiai e sio:
'Uluaki, koe mamahi 'ae PM ne fakatefito he tohi kole 'a Viola ki ha faingamalie ke fai ha fakataha (press conference) moe kau faiongoongo. (Ka 'oku te'eki ai fai e fakataha ne kole 'e Viola);
Ko hono ua, koe ongo tu'utu'uni 'a Minisita Poasi Tei moe Poate ICT ke faka-maloolo'i 'a Viola ne fakatefito ia he mamahi 'ae PM he TOHI KOLE fakataha 'a Viola. (Fakatokanga'i 'oku te'eki ai pe fai ha fakataha).
Koe fakama'opo'opo leva 'eni: Koe tautea ko 'eni 'o Viola ne makatu'unga ia he ngaahi tukuaki'i te'eki fakamo'oni'i fe'unga, kae tefito pe he faka'uhinga 'ae PM tokotaha pe 'ae ngaahi me'a ne tu'unga ai e kole fakataha 'a Viola. Tautea te'eki fai ha hia. Ka fa'a fehu'i ha taha kia te kita. 'oku 'ikai 'uhinga ia 'oku taaufehi'a ai kia kita.
Kapau ne fai ha fakataha moe kau faiongoongo, koe faingamalie ia ne mei lava ke fai ai e felingiaki 'uhinga mo hono fakanonga e ngaahi hu'uhu'u moe fie'ilo.
Me'apango lahi ia e tu'unga 'oku a'u kiai he taimi ni. ”