“ 'I he kamata mai 'a e Pule'anga ko 'eni, ko Lavu na'e ofi taha kia 'Akilisi. He na'e 'ikai mei Palemia 'a 'Akilisi ka kohono tila'i 'e Lavu. Ko Poasi he taimi koia na'e fika muimui kia 'Akilisi, he na'e te'eki ai kena fu'u maheni pe fe'ilongaki fuoloa kimu'a.
Kae talu mei hono kapusi o Lavu mei he Kapineti, moe feinga malohi 'a Poasi ke 'unu'unu hake he fakahokohoko tu'unga 'a e Kapineti. Ne to'oa ai e loto 'o 'Akilisi he toutou puke sieke mai 'a Poasi he facebook & media, neongo ne ki'i fehalaaki 'ene palafu'i 'a 'Lady Eseta mo Tuna.
Ka 'i he 'ahoni kuo ofi ange 'a Poasi kia 'Akilisi 'ia Siaosi Sovaleni mo e toenga kotoa e kau Minisita. Pea ne makatu'unga 'eni mei he ola lelei 'a e toutou feinga 'a Poasi ke impress 'a e Palemia. Ka kuo a'u mai 'eni kiha tu'unga, kuo ne fakanaafala ta'e'ilo 'o 'ikai tomu'a vakai'i fakalelei (due diligence) 'a e Trust mei NZ.
Kaikehe koe fo'i laka 'eni 'a Poasi kuo taimi tonu ai pea polo'uto ke faka'ilo faka-Fale Aleai ki he 'Pule Ta'efe'unga' pe (incompetence), 'a ee 'oku tuhu'i patonu mai 'e he Konisitutone, ke faka'ilo e kakai valengangau mo ta'efe'unga pehee. Tanaki atu ki he ta'etokanga 'a Poasi kuo ne mono atu 'eni e fu'u Alepau ta'epau ke fakamo'oni ai e Palemia. He koe mono pehe'i atu, he'e lava 'e he Palemia o lau mo mahino'i ha me'a?
Ka koe 'atunga ai pe foki ia e fehi'a 'a e Palemia 'ia 'Aminiasi Kefu, kuo tuku ai e Crown law ia kae fakamo'oni hingoa ma'uloto pe Palemia, 'o e'a mai ai hona tu'unga faka'atamai mo Poasi. Kae sai ai leva ketau 'ilo, pe koeha e iku'anga 'e a'u kiai e Pule'anga, pehe ki he Trust mei NZ. ”