“ Fakamalo atu he fo'i fakama'ala'ala fakatamulu ko'eni 'oku 'iai 'a e me'a 'oku ou sio au kiai.
i. Ko fe Komiti Sipoti 'oku nau vahe ke fai 'a e ngaue ni? Kuo toe hopo mai ai e Kapineti ia 'o tila kelekele?
ii. Koena kuo ma'u 'a Kauvai, mou oo 'o 'ai ia, pea hire ha kau security ke le'ohi e kau tapulu na 'oku nau sino koula kinautolu.
iii. Te'eki mahino e aofanga tuku kuo laka atu e Pule'anga ia 'o kamata e teke.
'Ofa mai aa Hou'eiki Kapineti mou tu'u ma'u homou tu'u'anga ko 'etau longoa'a ho'o mou toe feinga 'amoutolu ke mou lele he leini kehe. Ka 'oku mou fie Komiti Sipoti, mou fakafisi mei he lakanga Minisita mo e Palemia kamou omi 'o Komiti Sipoti 'alu atu Komiti Sipoti ia o Palemia mo Minisita.
Ka 'oku mou fie fakatotolo paasipooti mo tau'i e faihala, mou 'ofa mai o fakafisi pea oo moutolu o polisi mo sotia ka e aluatu e kau polisi ia o Kapineti. 'Oku tau longoa'a pe ko e 'ikai takitaha 'ilo hono ngata'anga.
Ko e fakataha Faka Fale Alea ia a Kolomotu'a 'e taha pea lahi hono fehu'ia e Fakafofonga (Akilisi) pea ko ene tali naane fai mau pe ki he kau fehu'ia, MOU OFA MAI TUKU MAI EKU NGAUE KATEAU KEU FAI, HE KOAU PE TEU ILO E ME'A KI HE ME'A KOIA PEA MO E ME'A KE FAI.
'Akilisi, fai e me'a tatau, tuku atu e ngaue ke fai e he kakai oku nau ilo kiai. Kuo ke manga holo he passport mo e satelaite mo e kelekele, ko e faifai pea iai si'ano anga. ”