“ 'Oku 'i ai 'a e lea poloveape faka-Tonga, 'Oku sai ange 'a e kaunoa he nofonoa, mo e to e lea poloveape, Na'a ku 'alu au 'oku fai 'enau tui au pea u tui au ai pe au.
'Oku 'uhinga 'a e kaunoa 'a ha taha 'oku nofonoa mo to e kau ha kau tui au he 'oku 'ilo ki ai mo poto ai pea ko e tapuaki ia ka to e kaunoa mo kau ai he ko e koloa fungani.
Ka 'oku 'ikai leva ha 'ilo ki ai mo poto ai pea 'oku lelei lahi ko 'oua kaunoa mo kau ai ka e tu'u fakalongo pe 'o mamata 'o to e mo'oni ai 'a e lea he faiva lafo 'Oku tapu 'a e matalafo lau kai!
Ka 'oku hoko 'a e kaunoa fakapolitikale (political intervention; politicisation) he hu 'a e mafai 'o fakamoveuveu holo 'i loto ke tu'u pe 'a e fiema'u mo e faka'amu 'a e mafai pule.
'Oku toki mo'oni heni 'a e lea 'oku fa'a taku 'Oku langa 'e he poto (ha ngaahi kuonga loloa) ka e holoki 'e he vale (ha ta pe 'e taha nounou) 'o fepaki leva 'a e langa fonua mo e holoki fonua. ”