“ ʻOku ou fakamālō lahi atu kia Sione A. Mokofisi ʻi he ʻofa fonua mo mo hono mateakiʻi ʻa ʻetau mataʻikoloa fisifisimuʻá ni. ʻOkú ke kau koe ʻi he niʻihi tokosiʻi ʻo e kakai Tonga ʻoku nau tokangaekina ʻa e mahuʻinga fau ʻo ʻetau lea tuʻufonuá mo hono mahuʻingá. ʻOku ou tui tatau mo koe ʻi he fakapikopiko ʻa e ngaahi kautaha faiongoongó mo e ngaahi potungāue ʻa e puleʻangá ke vakili ʻetau ngaahi leá ke fakahoko lelei ʻaki honau fatongiá hili ko iá kuo ʻosi ʻi ai pē ʻa e ngaahi tohi ke tokoni ki heʻenau fakahoko fatongiá. ”