“ Malo fau Sunia 'ae tau moe konitineniti lahi moe nofo lata he falamao mo hono matangi haufano, pea 'oua 'e fiu'afai he fifili moe fekumi he koe hala ia kihe taha 'ae mahino 'oe 'ilo loloto 'oku fa'oaki he fonua / kalatua mo fetu'utaki he tala / lea koe ongo me'angaue fakafonua / fakasosiale! 'Oku fakalalahi hono taku he letio moe televisone 'o pehe koe fakamatala'ea kae fakamatala mai ia koe angi 'ae matangi he vahefa lalahi 'o maama (hahake, hihifo, tokelau, tonga) pea mo hono tofifa ikiiki (tokelau-hahake, tokelau-hihifo, tonga-hahake, tonga-hihifo) pea mo hono toe vaefa 'ae anga moe angi 'oe matangi (malohi-vaivai [speed], mafana / vela-mokomoko / momoko [temperature]). 'Oku ngaue'aki 'ae "la'a-hopo" koe heliaki kiha Tu'i fo'ou 'oku lotolotonga pule (lakoifie [mo'ui]) -- 'aia 'oku "hopo hake" 'i hahake ki "'olunga 'i tokelau" he 'aho -- moe "la'a-kuo-to" (pe "la'a-kuo-unga-fonua") koe heliaki kiha Tu'i kuo hala (mate) -- 'aia 'oku "to hifo" 'i hihifo ki "lalo 'i tonga" pe po. ”