26 Sune, 2018. Na'e puke 'e he kau polisi ha faito'o konatapu fe'unga mo e kilo 'e 58 kalasi 'o e cocaine lolotonga ha ngaue atu 'a e kau polisi ki he vahefonua Ha'apai. Ko e faito'o ko'eni 'oku fakafuofua hono mahu'inga ka fakatau atu 'i he hala (street value) ki he pa'anga 'Amelika 'e 14.8 miliona 'a ia koe meimei pa'anga Tonga ia 'e 30 miliona. Fakatatau ki he fakamatala mei he kau polisi na'a nau puke ha matapule ta'u 26 mo e 28 'o tauhi lolotonga 'a e ngaue atu ki hono puke 'o e faito'o ko'eni. Kuo tapou atu ai 'a e Komisiona Polisi Stephen Caldwell 'e ngaue 'a e kau polisi 'aki honau tukui ngata ke malu'i 'a e fonua mo hono ngaahi ngatangata'anga telia 'a kinautolu 'oku nau fakahoko 'a e ngaue pango ni. Na'a ne toe fakamamafa foki 'oku fiema'u ke malu'i 'a e fonua mo hono to'utupu mei he fa'ahinga palopalema fakatu'utamaki ko'eni. 'Oku fu'u hokohoko hono puke 'o e faito'o konatapu 'i he fonua pea 'oku totonu ke fika 'uluaki 'eni 'i he 'asenita ngaue 'a e Pule'anga. Na'e 'ikai foki tali 'e he Pule'anga 'i he uike kuo maliu atu 'a e fokotu'u 'a e Komiti Tu'uma'u ki he Pa'anga 'a e Fale Alea ke falalahi 'a e patiseti 'a e Potungaue Polisi mo e Kasitomu ke tau'i 'a e faito'o konatapu.
