Ma'u tangata Hofoa mo e faito'o konatapu kalasi 'o e ice Featured
21 Sune, 2018. Na'e puke 'e he kau Polisi 'i he pongipongi o e 'aho ni ha matapule mei Hofoa 'o ma'u ai mo e faito'o konatapu koe ice (Crystal methamphetamine).
'Oku mahino foki mei he fakamatala 'oku ma'u 'e he ongoongo ni na'e 'alu 'a e kau polisi mo e tohi kumi koloa ki he 'api 'o e matapule ni pea nau iku ma'u ai 'a e milemila 'oku 'i ai 'a e ice ka 'oku 'ikai ke fakapapau'i mai hono lahi.
Na'e ma'u fakataha foki mo e fanga ki'i test tube pehe ki he fanga ki'i koloa kehe pe 'oku tukuaki'i 'oku fekau'ki mo e faito'o konatapu ko'eni.
Na'e puke mai ai pe 'ehe kau polisi 'a e matapule ni fakafuofua ki hono ta'u fangofulu tupu 'o tauhi pea 'oku lolotonga fakahoko a e ngaue kiate ia ke fakahoko hano faka'ilo.
