“ Totonu ke 'oua 'e ta'etoka'i 'e O'Neill e fakahaa loto 'a e fanauako, he kuo nau 'ilo'i lelei e ngaahi mafihunga kotoa pe 'a e taki ni, Talu mei he kau PM 'e 7 'o PNG kimu'a, koe toki a'u 'eni 'a PNG ki he tumutumu 'o e pule kovi moe faihalaai. Koe talu e feinga 'a 'enau Anti -Corruption 'a PNG mei he 2014 ke faka'ilo a O'Neill, kane toutou kalofi mo tautoloi holo pe 'eia 'a e Fakamaau'anga. Kuo fokotu'una e ngaahi noo laulau piliona 'a PNG, (EXIM Bank 'a Siaina-$6 piliona, UBS -$3 piliona) etc. etc.). Pea kuo 'iai moe ngaahi aleapau ngaue fakapone lauimiliona ma'a hono famili ofi & maheni ne 'ikai 'ilo kiai e Fale Alea. Koia ai 'oku 'oatu 'a e poupou ki he fanauako, neongo 'e ala ta'epau ai 'a e tokoni $ mei PNG ki he Sipoti 2019.
'Oku fai moe hoha'a 'i he 'ikai fai mo fokotu'u 'e he Pule'anga lolotonga e Komisiona Anti-Corruption 'a Tonga ni, ne talu hono tali 'a Fale Alea he 2007. Kuo 'omi e he Minisita Lao e ngaahi 'uhinga vaivai kehekehe kiai, 'o tukuaki'i e Fakataha Tokoni, pea fakamole $ tokua etc. etc. Pea kuo ui 'eni ia koe Ombusman kena kalou ta'enifo fakataha moe Komisiona Vaa moe Kakai. Pea kuo hala ai 'a Tonga moha Komisiona Fakafepaki'i Faihala pe Anti-Corruption Commission he lolotonga ni. Koe fehu'i PM mo e Kapineti, koeha e me'a 'oku mou ilifia kiai? 'Oka lava e Sipoti 2019 'e fele 'a faihala 'i Tonga ni. Pea 'oku tonu ketau ako mei he ngaahi faihala ne fou mai ai e teuteu Sipoti 'a O'Neill mo PNG he kuo hili. He kuo pau ke hoko mai e faihala ia ta'etoeveiveiua, 'i he founga kehekehe mo ta'e'amanekina. ”