Fika 1 Uafu Vuna he ngaahi taulanga vakameili 'i he Pasifiki Featured
Queen Elisabeth 'i he'ene no'o he Uafu Vuna
6 'Epeleli, 2017. Kuo hoko 'a e Uafu Vuna koe uafu fika 1 ki he ngaahi vakameili 'i he katoa 'o e ngaahi founua 'o e Pasifiki.
Ko hono fakamahino 'eni 'e he CEO 'a e Poate Taulanga MOsese Lavemai ki he ongoongo 'a e Letio Tonga. 'I he fakamatala 'a Mosese 'oku ma'u 'e he Uafu Vuna 'a e poini 'e 9 mei he 12 'a ia koe ma'olunga taha ia 'i hono fakatu'unga 'a e ngaahi uafu ki he vakameili kotoa 'i he Pasifiki.
'Oku mahino pe foki 'a e makehe 'a e Uafu Vuna ia 'o 'ikai ngata 'i he'ene fo'ou kae malu foki ki he kau pasese fakatatau ki he fakamatala 'a Lavemai.
Ko e Uafu Vuna foki na'e langa ia 'i he no mei Siaina pea 'oku mahino mai 'a e ola lelei 'o e ngaue ko'eni he 'oku 'ikai puli 'ene 'aonga ki he fonua.
'Oku kei tu'umau pe 'a e Takimamata 'i he sekitoa 'oku ne hu mai 'a e pa'anga lahi taha ki he fonua.
