“ Poupou atu fieilo, 'oku mo'oni ho'o lau. He'ikai 'osi e palopalema ia Mokofisi, ka 'e lava 'o fakasi'isi'i, 'oka fai ha ngaue kiai. Ko e palopalema tatau pe 'ena na'e hoko 'i NZ ni kimu'a. Na'e fokotu'u ai 'e Lisiate 'Akolo (Minisita Leipa he taimi koiaa) ha ongo liaison officers 'e 2 ko Sefita Hao'uli mo Tevita Niu Lata kena siofi e ngaahi palopalema, pea tokoni'i e fanau tolii, fakafetu'utaki mo faka'ulungaanga. Na'e a'u 'ona fale'i ke fakafoki e ni'ihi faihia mo 'ulungaanga fulikivanu 'e ni'ihi, pea na'e fakalaka lahi 'aupito e fo'i nga'unu koia. Pea 'oku na kei ngaue pe 'i NZ ni. Ka 'oku kei hala 'a 'Aositelelia ia moha liaison officer, pea koe fielau 'enau palopalema'ia. Koe ngaahi fakakaukau pehee masi'i Mokofisi 'oku fiema'uu, pea 'oku laka ange ke fakamoleki e $ toutou folau 'a e Minisita 'i ha liaison officer pehee, kae fakahaofi mo fakatupulaki e industry ma'u'anga pa'anga ko 'eni ke loloa atu mo tolonga.
Faka'osi, kuo ke heke hake 'eni 'o talamai 'oku fakamole taimi 'enau fakaanga. Hala 'ataa ha'o kau ai, pea tuku pe 'e koe kenau kohikohi ai hei'ilo na'a 'aonga ki he Minisita pe Pule'anga. Vahevahe mai ha fo'i fakatuputupulangi mei hena ketau 'inasi ai, pea 'ai foki e loto ke 'amio kae ifo 'etau felaafoakii. ”