“ Malo lahi 'Etita 'ae fakamanatu ma'uhinga fau mo 'aonga atu ma'a kitautolu kotoa 'oe fonua (mo mamani) he faingata’a lahi kuo ne 'akilotoa mo kumoa 'a Tonga (mo Mamani) 'si'i mo vaivai,' ''masiva he kakai, masiva he mahafu' (he lea malie 'oe ta'anga 'ae punake kakato 'iloa ko Fakatava) 'ae mahaki faka'auha, tamate, mo pipihi koei Koveti-19 moe afa moe matang malohi ko Haloti. 'Oku akenoa 'ae manatu kihe lea heliaki, paloveape, poloveape 'Ingilisi mohu mo fonu koe, 'Unity in diversity' (mo hono hoa koe, 'Diversity in unity' ), 'aia ''Oku tupu 'etau taha, tatau, he'etau kehekehe' (mo hono hoa ''Oku tupu 'etau kehekehe he'etau taha, tatau'), 'o 'uhinga ''Oku tupu 'ae 'taha, tatau,' 'ae fonua he takitaha fai hotau ngaahi fatongia 'kehekehe' (mo hono hoa ''Oku tupu hono takitaha fai honau ngaahi fatongia kehekehe 'ae taha 'ae fonua'). 'Oku hoko 'ae tu'utauhoa tu'uma'u mo ta'engata 'ae 'taha, tatau,' moe 'kehekehe' moe 'kehekehe moe taha, tatau,' 'he funga 'oe 'tauhiva' moe 'faifatongia,' 'mamahi'ifonua' moe 'ofafonua,' moe 'toka'i moe faka'apa'apa' 'ae ma'upu'upu, malangalanga, malavalava, moe ma'uma'uluta 'ae tapa kotoa 'oe nofo, 'o tatau 'ae 'api, kainga, ha'a, ako, lotu pisinisi, sipoti,, politikale, 'ikonomika, pule'anga, fonua moe ha fua katoa mo 'aufua. ”