“ 'Oku akenoa 'a e manatu mamahi kihe melie 'o e akolelei moe lotulelei hono fanguna he fifili lelei 'a Pouono hono filihi mo'oni 'ehe 'Etita 'oe Nepituno News Online koe tu'unga fakaloloma atu mo fakatu'utamaki fau 'oku nofoilelenga ai he va'ameipopo 'ae fonua he 'aho ni ko e ngaue pango 'a e palemia mo hono pule'anga moe PTOA he'enau 'avehala lahi mo ta'emahino mo'oni 'ae tui mo e ngaue faka-Uesite ko e temokalati. 'Oku kei mo'oni fau 'a e lau malie 'a Bernard Shaw, "'Oku tokotaha pe 'ae kalisitiane mo'oni ko Sisu" mo Mosese Niuafe, "'Oku tokotaha pe 'a e ako mo'oni ko Sokolotesi." Ne'ine'i ke houhau ('ita) 'a Taufa'ahau koe fiefakatatau pea to ai 'ene folofola (lea), "'Oua e tangi ke tatau na'a houhau ('ita) 'a Taufa'ahau." 'Oku ngali 'uhiunga kotoa ia ke takitaha fai lelei hono fatongia takitaha ki he lelei taha ka e malohi ha fonua ka e tuku a 'a e lea'aki 'a e me'a 'e taha ka e fai 'a e me'a kehe. 'Oku hu mai heni 'ae loi moe kaka mo e faihala 'oku tumutumu he ta'e'ofa, ta'efaka'apa'apa moe ta'ehounga! Ko e fehu'i leva, "'E Tonga e pe 'oku fefe 'ape?" Ko e tali, "'Oku 'iate au mo koe pe!" ”