“ Fakamalo lahi atu 'Etita he fakamaamaloa 'a e fakapo'ulilolo 'oku toloto he kakai mo 'akilotoa 'a e fonua ko e malohi 'a e siokita ma'ae lelei fakatokotaha 'a e tautaha he siokitu'a ki he lelei fakalukufua katoa 'o e fonua. 'Oku fihiatu'u heni 'a e kakai 'oku lau ko e kau ako lelei mo e kau lotu lelei 'o toki mahino lelei ta koa ko Sokaletesi pe taha 'a e ako lelei mo Sisu pe taha 'a e lotu lelei he'ena takitaha feilaulau faitonunga mo faimatekina 'ena mo'ui kena mate ta'esiokita ka e mo'ui 'a e kakai mo e fonua mei he mate ko 'ena siokitu'a ki he'enau lelei fakakatoa. 'Oku toki mo'oni 'a e lau mo'oni lahi 'a e kau muli folau 'eve'eva mai ki Tonga ni ta koa ko e toki fonua ma'uako he'enau to'o peni mo e pepa mo ma'ulotu he'enau to'o tohitapu mo e himi pe 'a Tonga ni ka e 'ikai ko e fonua ako lelei mo lotu lelei ko e ngaue 'a e kovi 'o e ako mo e lotu, fakapo'uli moe ta'emahino ka e 'ikai ko e lelei 'a e ako, fakamaama mo e mahino. 'Oku to e ta'ota'o0 atu 'a e fakamalo fau ki he Nepituno he ngaue lelei, ma'uhinga mo 'aonga atu hono teke 'a e maama mo e mahino ke hilio he ta'emahino mo e po'ulilolo. ”