“ 'Oku 'oatu 'a e fakalamalo lahi mo'oni ki he "Nepituno" he fakakaukau mo e ngaue faka'utumauku hono fai 'etau ngaue he funga 'o e fakaako, fakamo'oni, faka'apa'apa mo faka'ofo'ofa. 'Oku malie lahi hono fakakehekehe 'a e faiva tulihoosi ko e faiva tulimanu mo e faiva tulihoosi ko e kaveinga 'o e faiva lakalaka ("Tulihoosi" 'a 'Eua Motu'a) 'o hange ko e faiva milolua ko e faiva taumafakava mo e faiva no'o'anga ko e faiva toutaiika mo e faiva milolua mo e faiva no'o'anga ko e kaveinga 'o e faiva lakalaka ("Milolua" 'a Kolovai mo e "No'o'anga" 'a Navutoka). 'Oku ou to e tanaki atu pe 'a e fanga ki'i me'a iiki ko e ngaue'aki lelei mo malie 'e he punake 'a Taka-i-Houma he "Tulihoosi" 'a e faiva fakaoli 'o hange ko hono ngaue'aki lelei 'e he kau punake kakato kuo loa si'enau pekia 'aia 'oku kau ai 'a Peni Tutu'ila, Mosese Niuafe mo Taitusi Funaki 'o 'ikai ngata pe he'etau malie'ia hono loloto ka tau to e mate hela'ia he kata he'enau fakaoli. 'Oku to e kau heni mo Palofesa Epeli Hau'ofa kuo 'osi to e si'i pekia 'o hange ko 'ene ngaahi tohi mo e ta'anga malie he mala'e 'o e ako mo e 'aati. 'Oku matu'aki fiema'u fau ke tau ki'i afe si'i mei he langa'ulu mo e kovi'ulu he feleku 'a e politiki he pule kovi mo e taki kovi 'a e palemia mo e pule'anga ki he potupotutaau, faka'ofo'ofa mo e maau 'a e mamani 'o e ako, 'aati mo e faiva! ”