“ KEI FAKAPULIPULI'I AI PĒ HINGOA KAU MA'U FAITO'O KONA TAPÚ 'E HE KAU POLISÍ. Ko e malu'i eni 'o e kau ngāue 'i Pule'angá, ka e tukumai 'a e hingoa 'o e kakai 'ikai ngāue faka-Pule'angá 'ihe ngaahi faka'ilo ma'ama'á?
Fiema'u ke 'ata tāsilosilo mai kitu'a ngāue 'a e kau Polisí 'ihe fakamatala 'a Deputy Police Commissioner Pelenatita Vaisuai. Kohai 'a e hingoa 'o e Senior Customs Officer na'e tukuaki'i 'o faka'ilo 'e he Drug Enforcement Taskforce, kau ai mo e ngaahi me'afaná?
Fiema'u 'e he kakaí (public) ke 'ilo kohai na'e "arrest"? Ko e founga totonu ia ki he kakaí kenau 'ilo 'oku fai totonu 'a e kau Polisí. Pea ke 'ilo ai 'e he mitiá ke fakatotolo'i pe 'oku tala totonu 'a e ngāue 'a e kau Polisí pē 'ikai. 'Oku 'ikai ko e pule'anga-polisi (Police State) eni ke fakapulipuli e me'a 'e ni'ihi 'e he kau Polisí, pea tufa momoiki mai 'enau tu'utu'uní. Pea fehu'i atu 'e he mītiá ka e fakaloea mai 'a e kau Polisí mo e Ombudsman tokua 'oku 'ikai ha lao fakangofua'i ke tukumai 'a e fakaikiiki 'o e ngāue 'a e Pule'angá ki he kakaí? ”