Fakafisi Palēmia Nu’usila John Key Featured
Palēmia Nu’usila John Key
5 Tisema, 2016. Kuo fakahā faka’ofisiale ‘e he Palēmia Nu’usila John Key ki he ngaahi kautaha ongoongo ‘ene fakafisi mei he lakanga faka-Palēmia ‘o e fonua.
Ko e fakafisi ko’eni ‘a Key ‘i he hili nai ‘eni ha ta’u ‘e 10 ‘ene hoko koe taki ‘o e fa’ahi National pea moe Palēmia ‘o e fonua.
‘Oku mahino mai foki hange ko hono lipooti 'e he ongoongo 'a e Letio Nu'usila koe fakafisi ko’eni ‘a Key ‘i he’ene ongo’i ‘oku fe’unga ‘ene ‘i he fohe ‘o e fonua pea ‘oku ne fiema’u hano taimi mo hono famili.
‘Oku mahuno mai foki ‘i h’eene tu’u he taimi ni ‘e fakahoko ha fakataha ‘a e fa’ahi National (Party Caucus) ke fili ha taki fo’ou pea kuo fakahā ‘e Key ‘e poupou kia Bill English ‘a ia koe Minisitā Pa’anga mo e Tokoni Palemia lolotonga foki ia ‘o Nu’usila.
Na’e fakahā ai pe foki ‘e Key ‘ene fakamālō loto hounga’ia mo’oni ‘i he poupou kiate ia ‘a e kakai ‘o e vāhenga Helelensville ‘a ia na’a nau fili mai ia pea tene kei hoko pe koe memipa Fale Alea ke ‘oua ‘e toe fakahoko ha fili si’i.
