Mofuike Lahi ‘a Nu’usila Featured
Taha 'o e ngaahi 'ata 'o e maumau 'a e mofuike mei Uelingatoni. Faita 'a e AFP
- 14 Novema, 2016. Na’e hoko ha mofuike lahi ‘i he hengihengi ‘o e ‘aho ni taimi 12:02am ‘i he taimi ‘a Nu’usila. Ko e lahi ‘o e mufike ko’eni ko e 7.5 magnitute ‘i he lau ‘a e me’afua mofuike pea na’e ngalulu kotoa ‘a e fonua.
Kuo fakahā foki ‘e he Palēmia John Key ko e toko 2 ‘eni kuo pekia ‘i he ola ‘o e mofuike ko’eni pea ‘oku kei hokohoko atu pe ‘a e ngalulululu ‘a e fonua ‘a ia ‘oku ui faka-Pilitānia koe aftershocks.
Na’e ‘i ai foki mo e fakatokanga sunami ki he ngaahi ‘elia ‘oku ma’ulalo ‘o tatau pe ‘i he motu Saute mo e Noate ka kuo kaniseli mai .
‘I he taimi tatau ‘oku ‘i ai ‘a e fakatokanga ki he kakai ‘o Uelingatoni kenau fakamama’o pe mei he loto kolo he ‘oku ‘i ai ‘a e ‘amanaki koe malohi ‘a e havili tene fakatupu ha toe maumau ange telia na’a hoko ai ha lave ape mole ha mo’ui..
‘Oku te’eki ke maau malie ‘a hono fakama’opo’opo ‘o e maumau kuo fakahoko ‘e he mofuike ni.
