“ Koe taumu'a e fakataha ne fai ne fekau'aki fakapatonu moe "feliuliuaki 'ae 'ea" (Climate change). Tau ngauehala'aki 'e kitautolu e taimi ne totongi mai ai kitautolu ke tau kau atu ki he fakataha - ki hono fai e fo'i kaunoa ko 'eni he me'a fakalotofonua 'a Initonesia.
Koe ha ne 'ikai ngaue'aki ai e taimi koia ke fai ha ngaahi laaulea fekau'aki mo hotau ngaahi palopalema 'oku fakatupu he feliuliuaki e 'ea.
1) Tafea hotau ngaahi 'api he lahi e lovai he taimi 'uha! Ne fai ha lau lea kiai he fakataha ko'eni?
2) Hala pule'anga - hono maumau'i 'ehe vai he taimi 'uha lahi. Ne fai ha lave ki ai he taimi fakataha?
3) Ngaahi uafu taulanga he ngaahi 'otumotu - tautatefito ki he ongo Niua, 'otu motu iiki 'o Ha'apai mo Vava'u. Taimi 'eni ke ngaue'aki e palopalema 'oe feliuliuaki 'ae 'ea (Climate Change) ke 'omai 'aki ha ngaahi tokoni fakapatonu mai ki he ngaahi me'a mhu'inga ko'eni. Ne fai ha lau ki ai 'ae fakataha?
4) 'Aa-malu'i 'oe ngaahi kolo ma'ulalo - hange ko Pangai Lifuka, Hihifo Tongatapu, etc. Ne fai ha lau ki ai he fakataha?
5) Silapa Fo'ou 'oe Ako - fiema'u ke fai ha sio fakalukufua ki he silapa e ako ke fakapapau'i 'oku kau ai e founga hono kaatekina mo solova e palopalema 'oe Feliuliuaki e 'ea. Ne fai ha lau ki ai he fakataha?
6) Etc, etc, etc, etc.
Koe taha, 'oku ta'efakapotopoto ke tau kau he fakatupukee ki he fa'ahinga fonua hange ko Initonesia - he 'oku kau nautolu he tu'ukimu'ataha 'i mamani he ivi fakakautau. 'Oua 'aupito te tau fakafalala ki NZ mo Aust he 'e fakataha'i hoatu tokolahi kotoa moe ongo fonua ko'eni, he 'ikai te tau ofiofi atu ki he mafi 'o Initonesia.
'Oku 'Ikai fai hano fakasi'ia e palopalema 'oku tofanga ai he kainga West Papau. Ka ne tonu ke tau nofo pe ki he taumu'a 'oe fakataha, kae fai ha fokotu'u atu ki he UN ke fai ha toe fakataha kehe ke taumu'a 'aki e palopalema 'o West Papua. ”