Winston mo e Tāpuaki Vai Lahi pea Lulu'i mo e Fonua Featured
Taha 'o e Ngaahi Hala 'o Hala'ovave
Nuku’alofa, 16 Fepueli 2016. Lolotonga ‘a e fakatokanga ‘i he matangi ko Winston kuo tō foki moha tapuaki vai lahi he fonua 'i hono ta'au hili ia ha la’ala’ā ne fe’ao mai mo e fonua ‘i ha mahina nai 'e ua.
Ko e tāpuaki vai ko’eni ‘oku ‘ilonga lahi ia ‘i he ngaahi feitu’u ‘oku ma’ulalo ange mo toka'anga vai angamaheni ‘o hangē ko Sopu, Popua mo Halaovave kae pehē ki he ngaahi konga ‘o e Vāhenga Nuku’alofa pehe ki Pea, Ha’ateiho, Nukunuku mo e ngaahi feitu’u ‘oku ma’ulalo ange.
‘Oku mahino mai foki na’e ‘i ai ‘a e fiema’u vai ‘a e fonua ki he ma'u'anga vai inu mo e tōkanga foki mo e ngoue ka kuo tō mai ‘a e tapuaki pea ko e tāpuaki ko’eni kuo hulu. Na’e toe lulu’i foki moe fonua ‘i he hengihengi ‘o e 'aho ni fakafuofua nai ki he taimi 4:00 am ‘e ha mofuike ‘a ia na’e fakafuofua hono malohi ki he 5.7 M ‘i he lau ‘a e me’afua mofuike pea 'oku ta'e'amanekina foki 'eni lolotonga ia 'a e 'uha lahi mo e malohi 'a e matangi 'i hono 'omai 'e Winston.
Na'e hoko foki 'a e mofuike ko'eni kene fanguna 'a e tokolahi 'o e kakai 'o e fonua pea na'e tō tonu 'a e mofuike ko'eni 'i he kilomita nai 'e 36 ki he faka-Tokelau Hihifo 'o Nuku'alofa. 'Oku tātātaha foki ke hoko ha fakatamaki fakaenatula kehekehe 'e ua he taimi pe 'e taha 'o hange koe mofuike moha matangi malohi ka 'oku 'ikai foki pule ha taha ia ki natula.
Ko e matangi foki ko Winston ‘oku fakafuofua ia ki he Katekoli 2 (category 2) ‘a ia ‘oku kei tu’u pe ‘a e fakatokanga matangi mālohi ki he ‘Otu Tonga. ‘Oku ‘fakahoko pe foki 'a e lotu pehe ki he ‘amanaki lelei ‘e hao pe ‘a e ‘Otu Anga’ofa mei he ha'ah'aa faka-natula ‘o Winston.
7 comments
-
Fine tuku e 35 miliona Papua ia he 'oku te'eki ketau sio kiai pea 'a i e popao he koe takitaha kumi pe 'ene fu'u 'akau 'o tu'usi pea to'oliu 'o tali ai ki he to mai 'a e lomaki. Tau 'ai pe pau he 'oku lolotonga launga 'a e vahenga 'e taha 'o Papua Niukini koe tafea 'oku te'eki fai ha tokoni kiai honau pule'anga.
-
Ikai keke ilo e koe Poloto e lava pe ia ehe Palemia he koena nae tuu atu pe ia o kole mai 35 miliona mei Papua. Pea koe kautama oku iai pe enau faga kii fouga kole akinautolu ia.
-
Vika malahlo 'e pau ange popao pe koe potu'i'akau 'e vave ange hono ma'u. Koe vakaleta koe talanoa loloa ia he 'oku mamafa ange ia.
-
Kuo 'osi fu'u kau 'aupito a Tonga ni ia he halanga matangi, pea kuo tuputupulaki pe vai ia he matangi kotoa, kole atu ki he Pule'anga ke kole ha tokoni vakaleta ki muli ke taki 2 e 'api he vakaleta ke tokoni ki he fe'alu'aki.
-
Fiemalie atu e Palemia Sopu mo Halaovave i Fasi moe Afi.
-
Fakatauange ke vave ha maha atu 'a e vai ka e si'i fiemalie e kainga ni. Kuo nau anga pe ki he feitu'u ni pea filau koe kau to'a.
-
Faka'ofa si'i kainga Halaovave he ngaahi taimi pehe ni.