'Ahia 'e he MV Pacific Aria 'a e 'Otu Anga'ofa ^Featured

Ko e ‘a’ahi mai foki ‘eni ‘a e Pacific Aria hono ua ki Tonga ni pea na’e mavahe mai mei he Taulanga Puatalefusi mei Vava’u ‘aneafi Tusite 23 ‘o ‘Aokosi ‘o tu’uta mai ki Nuku’alofa ni ‘i he pongipongi ‘o e ‘aho ni.

‘Oku folau mai ‘a e Pacific Aria mo e kau pasese ‘e toko 1394 mo e kau kauvaka mo e kau ngāue ‘e toko 617. Ko e vaka foki ‘eni ‘oku fakafofonga’i ki Tonga ni ‘e he Kautaha Takimamata ‘a e Jones Travel pea fakafofonga’i ‘e he Kautaha Vaka PFL.

‘Oku ‘amanaki mavahe atu ‘a e Pacific Aria ki ‘Apia Ha’amoa he taimi 6:00 pm efiafi ‘o e ‘aho ni .

‘Oku hoko foki ‘a e ngaahi ‘aho pehe ni koe ‘aho fakafiefia mo fakakoloa ki he kinautolu ‘oku fakanimamaka ‘i he ngāue fakamea’a pehe ki he ni’ihi ‘oku nau ngāue ‘i he sekitoa Takimamata.

'Oku 'ikai ngata 'i he ma'u 'a  seniti 'o tokoni kiate kinautolu ka 'oku toe kau lelei foki ki he 'ikonomika 'o e fonua.