Kamata Fe'auhi Miss Heilala 2016 Featured
Nuku'alofa, 6 Siulai 2016. Na’e lava kakato 'i he 'aho Monite 4 Siulai ‘a hono fuofua fakamaau’i ‘a e kau finemui ‘e toko 10 ko ia ‘oku nau veipa ki he kalauni ‘a e Fili Misi Heilala 2016- 2017 ‘aki ‘a ‘enau Faka’eke’eke ‘i he Loumaile Lodge.
Na’e fakahoko ai pe ‘e he kau fakamaaú mo e ola ‘o e Faka’eke’eké ‘i he toko 5 tu’ukimu’á, ‘o ‘ikai ‘i hono hokohoko totonú. ‘A ia ko e Miss Bou’s Fashion, Miss Loumaile Lodge, Miss Five Star, Miss-Tonga China Friendshio Association pea mo e Miss Lady Maria – Tonga Australia.
‘E hoko ‘a e fe’auhí ‘i he pooni ‘i hono sivi’i kinautolu ‘i he Tau’olungá ki he Holo Fakamanatu Kuini Saloté. ‘I he po Tu’apulelulú ‘e hokoatu ai ‘a e fe’auhí ki hono sivi’i ‘o e kau finemuí ni ‘i he Teunga Matātahí, Teunga Tu’ufonuá pea mo e Talēnití.
‘E fakahoko ‘i he po Falaité ‘a hono faka-kalauni ‘a e finemui te ne ikuna ‘a e fe’auhi ni ‘a ia te ne hoko ai ko e Miss Heilala ki he 2016-2017. ‘E faka’osi’aki ‘a e polokalama ki he uike Heilala ha folouti ‘a e kau Misí, ‘i he ‘aho Tokonaki.
Ko e kau finemui eni ‘oku nau veipa ki he Miss Heilala 2016-2017;
1. Miss Appraxus NZ – Ms. ‘Ana Fakamalunga Siu-Lata- ‘i-Fele’unga Falala
2. Miss Bou’s Fashion – Ms. Vika Tu’i’onetoa Toetu’u
3. Miss Lady Maria Tonga-Australia – Ms. Soana Faiva
4. Miss Loumaile Lodge – Ms. Laura Melaia Rene Lauti
5. Miss Havelu Rugby – Ms. Polonia Paea ‘i Niu’ui Hoko
6. Miss Five Star Finances Co.Ltd – Ms. ‘Ofa Hui
7. Miss Tongatapu 2 – Ms. Sosefina Fataimoemanu Leger
8. Miss Tourism Tonga – Ms. Michelle Motuliki
9. Miss Tonga China Friendship Association – Ms. Salote Tatakiama Veikune
10. Miss Tonga National Rugby League – Ms. Salome Va’enuku
