‘Ahia tu’o 3 ‘e he Pacific Pearl ‘a e ‘Otu Motu Anga’ofa ^Featured

Na’e folau mai foki ‘a e Pacific Pearl ki Tonga ni ‘i he ‘aho 11 ‘o Fepueli 2016 pehē ki ha’ane toe ‘ahia ‘a Tonga ni ‘i he ‘aho 27 ‘o Ma’asi makatu’unga ‘i he Saikolone ko Winston na’a ne ahia ‘a Fisi. ‘

Ko e fakakoloa foki ‘a e toutou ’ahia mai ‘ehe ngaahi Vakameili ‘a e fonua pea koe tapuaki ‘eni ki he kakai tokolahi ‘o e fonua  tatautautefito kiate kinautolu ‘oku nau ngāue fakanimamaka ‘i he sekitoa Takimamata mo e Ngāue Fakamea’a. Ko e pa’anga lahi ‘oku tafe ki he kakai ko’eni kae mahulu atu ‘a e ‘ikonomika ‘o e fonua fakalukufua.

Ko e kau pasese fakakatoa ‘e toko 1755 ‘a e Pacific Pearl ‘a ia koe tokolahi taha ‘o e kau pasese koe kau Nu’usila.

‘Oku ‘amanaki ke mavahe atu ‘a e Pacific Pearl he efiafi ai pe ‘o e ‘aho ni mei he Uafu ko Vuna.