Tukupā 'Ikale Tahi 'e A'u ki he Kuata Fainolo Ipu 'a Mamani Featured
Lolotonga 'ena hono taa e Sipitau 'a e 'Ikale Tahi
Nuku’alofa, 19 ‘Aokosi 2015. Kuo maau mālie hono fili ‘a e sikuati toko 30 ‘a e timi ‘akapulu Fakafonua ‘a Tonga ‘Ikale Tahi ki hono teuteu tau’i ‘a e Ipu ‘a Māmani ‘i he māhina ko Sepitema 2015.
Na’e a’u foki ‘a e ‘Ikale Tahi ki he tu’unga fika 3 ‘i hono tau’i ‘a e ipu ‘a e Pasifiki (Pacific Nations Cup) ‘a ia na’e kau kiai ‘a e timi ‘e 6 pea na’e ikuna ai ‘e he ‘Ikale Tahi ‘e ne va’inga mo Kanata, Siapani pehē ki ‘Ikale ‘a ‘Amelika.
‘Oku ‘ave foki ‘e he ola ko’eni ‘a e timi ‘a e ‘Ikale Tahi ke kau ki he timi ‘e 10 tu’ukimu’a taha ‘a māmani’i he fakahokohoko ‘a e IRB ‘i he mala’e ‘Akapulu ‘Iunioni. ‘Oku ‘i ai heni ‘a e ‘amanaki lelei ki he fe’auhi Ipu ‘a Māmani ‘o e ta’u ni ‘a ia ‘oku ‘amanaki ke fakahoko ki ‘Inglani he mahina katu’u.
‘Oku kau foki ‘a e ‘Ikale Tahi ki he Pool C ‘a ia ‘oku kau kiai ‘a Nu’usila, ‘Asenitina, Tonga, Georgia, mo Namibia. ‘Oku ‘ikai foki ke faingofua ha feingatau ‘i he Pool ko’eni neongo ‘oku tau kau mo e ongo fonua ‘oku fika ki mui he fakahokohoko ‘a e IRB ‘o hange ko Namibia mo Georgia.
Kuo fakahā foki ‘e he Palesiteni ‘o e Poate ‘Akapulu ‘a Tonga ‘Epeli Taione ‘oku taketi ‘a e timi ‘a e ‘Ikale Tahi ke a’u ki he Kuata Fainolo ‘i he fe’auhi Ipu ‘a Mamani pea ko e misiona kuo hilifaki ki he uma ‘o e fanau va’inga.
Ko e sikuati leva ‘eni ‘a e ‘Ikale Tahi;
TEVITA MAILAU
ALISONA TAUMALOLO
SOANE TONGA'UIHA
HALANI AULIKA
SILA PUAFISI
ELVIS TAIONE
PAULA NGAUAMO
ALEKI LUTUI
TUKULUA LOKOTUI
JOESEPH TUINEAU
STEVE MAFI
OPETI FONUA
HALE T-POLE
NILI LATU
JACK RAM
VILIAMI MA'AFU
SIONE KALAMAFONI
SONATANE TAKULUA
SAMISONI FISILAU
SOSEFO MA'AKE
KURT MORATH Biarritz
LATIUME FOSITA
SIONE PIUKALA
SIALE PIUTAU
VILIAMI TAHITU'A
FETU'U VAINIKOLO
TELUSA VEAINU
TEVITA HALAIFONUA
WILLIAM HELU
VUNGAKOTO LILO
Coach: Mana 'Otai
