Ikuna ‘Ikaletahi ‘a e ‘Ikale ‘a ‘Amelika 33-19 Featured
Lolotonga 'ena hono taa e Sipitau 'a e 'Ikaletahi
30 Siulai, 2015. Na'e ikuna ‘e he Timi ‘Ikaletahi ‘a e timi 'Ikale ‘a ‘Amelika 'aki e kai 33-19 ‘i he’ena fepaki ‘i he mala’e BMO Field ‘i Toronto ‘i Kanata ‘i he hengihengi Tu’apulelulu 30 ‘o Siulai ‘i he taimi ‘a Tonga ni.
Na’e ma’u ‘a e kai ‘o e ‘Ikaletahi mei ha tata’o ‘e 3 'a ia na’e fakahoko kotoa 'e he ongo kapakau ‘a ia koe tata’o ‘e 2 ‘a e kapakau fika 11 Fetu’u Vainikolo pea Tata’o leva ‘e taha ‘a e kapakau fika 14 Telusa Veainu. Na’e ‘akahi kotoa ‘e he feesi Kurt Morah ‘a e ‘u tata’o ‘a Tonga ‘o hū pea tanaki atu kiai mo e ‘akatautea ‘e 4 na’e fakahoko kotoa ‘e he feesi Kurt Morah.
‘Oku fakafiefia ‘a e ola ‘o e va’inga ‘etau fanau pea ‘oku ‘i ai ‘a e ‘amanaki lelei ‘e hokohoko pehe atu ai pe ‘a e feinga ‘a e ‘Ikaletahi ‘i he teuteu atu ko’eni ki hono teu tau’i ‘o e Ipu ‘a mamani ‘a ia ‘oku toe ‘a e uike ‘e valu pea fakahoko ‘i ‘Ingilani ‘i he mahina ko sepitema.
