Menu
cache/resized/fcc387c5ab15cde71052b8c82f3e405f.jpg
Lotus Motors Me'alele fo'ou mo sekeniheni ...
cache/resized/fa6eb631649e351582fb6945b9ca2518.jpg
Ko e paloveape 'iloa 'eni pea 'oku 'uhinga kiha ...
cache/resized/63614fa437cb694b8770470f544a87ea.jpg
“TOURS & TRAVEL AT IT’S BEST IS ...
cache/resized/de22811ba69e150b74276adfe9cd60f1.jpg
S&F Brothers (Car Dealer & Accounting ...
cache/resized/c5486089fb6fe141100fa93741aee80f.jpg
Vaiola Shop & Cafe  
cache/resized/952d37c5b239f200e4b0a944bfa8cde0.jpg
RED Rapid Engineering Diagnostic Specialize in: ...

Hā’ele ‘Ene ‘Afio Tupou VI ke ‘afio tonu ki he semifainolo ‘a e timi Mate Ma’a Tonga Featured

Hā’ele ‘Ene ‘Afio Tupou VI ke ‘afio tonu ki he semifainolo ‘a e timi Mate Ma’a Tonga

23 Nōvema, 2017. Ko e ongoongo fakafiefia ia ki he timi Mate Ma’a Tonga mo e fonua fakalukufua ‘a e ‘amanaki kau atu ‘a ‘Ene ‘Afio Tupou VI ke ‘afio tonu ki he semifainolo ‘a e timi Mate Ma’a Tonga mo e timi ‘a ‘Ingilani ‘oku ‘amanaki fakahoko ki ‘Aokalani ‘i he efiafi Tokonai 25 Nōvema.

Kuo fakapapau’i foki mei he ‘Ofisi Palasi ‘a e Hā’ele ‘a ‘Ene ‘Afio ‘i he ‘a’ahi faka-Tu’i ki ‘Iulope pea ma’u faingamalie ai pe ke Hā’elea ‘a e va’inga faka-hisitōlia ko’eni ‘a e timi Mate Ma’a Tonga.

Na’e toe fakamahino foki mei he ‘Ofisi Palasi na’e a’utaki mai pe foki ‘a e fakaafe mei he Sea ‘o e Fe’auhi ‘Akapulu Liiki ‘a Mamani 2017 Dr. George Peponis Oam, pehe ki he CEO Andrew Hill pehe foki ki he Palesiteni ‘o e Kautaha Liiki ‘a Tonga Semisi Sika.

‘Oku kau ‘eni ia he ongoongo fakafiefia ‘o ‘ikai ngata ‘i he timi Mate Ma’a Tonga ka ki he Tonga kotoa ‘a e ‘amanaki Hā’ele ‘e he ‘Ene ‘Afio ‘a ‘Ene maa’imoa pea koe fakalotolahi mo’oni ‘eni ki he fanau vainga.

1 comment

  • Finau
    Finau Friday, 24 November 2017 15:52 Comment Link

    Oatu e talamonu ki he timi Mate Ma'a Tonga he 'amanaki ke fakahoko homou lelei taha 'apongipongi na. Kuo mou fakafiefia'i e Fonua mei he valevale ki he vaivai he ngaahi uike atu, pea 'oku 'i ai 'a e 'amanaki lelei temou toe fakafiefia'i kimautolu 'apongipongi na. 'Ofa atu mo e lotu.

    Report

Leave a comment

Make sure you enter all the required information, indicated by an asterisk (*). HTML code is not allowed.

back to top