Menu
cache/resized/fcc387c5ab15cde71052b8c82f3e405f.jpg
Lotus Motors Me'alele fo'ou mo sekeniheni ...
cache/resized/fa6eb631649e351582fb6945b9ca2518.jpg
Ko e paloveape 'iloa 'eni pea 'oku 'uhinga kiha ...
cache/resized/63614fa437cb694b8770470f544a87ea.jpg
“TOURS & TRAVEL AT IT’S BEST IS ...
cache/resized/de22811ba69e150b74276adfe9cd60f1.jpg
S&F Brothers (Car Dealer & Accounting ...
cache/resized/c5486089fb6fe141100fa93741aee80f.jpg
Vaiola Shop & Cafe  
cache/resized/952d37c5b239f200e4b0a944bfa8cde0.jpg
RED Rapid Engineering Diagnostic Specialize in: ...

Mau fiefia he ola 'emau fakafofonga'i 'a Tonga: Siosiua Taukei'aho Featured

Siosiua Taukei'aho Siosiua Taukei'aho

22 Novema, 2017. Kuo fakahā ‘e he foueti ‘iloa ‘a e timi Mate Ma’a Tonga Siosiua Taukei’aho kuo nau sio kinautolu na’e fili ke va’inga ma’a honau fonua tupu’anga ki he fu’u totongi mo e ola ‘o e fili na’a nau fakahoko.

Na’e kau foki ‘a Siosiua Taukei’aho, Jason Taumalolo, Manu Ma'u mo David Fusitu'a ‘i he ni’ihi na’e fili kenau fakafofonga’i ‘a Tonga ni ka e ‘ikai koe timi Kiwis ‘a Nu’usila.

‘I ha fakamatala ‘a Taukei’aho ki he ngaahi kautaha ongoongo na’a ne fakamamafa’i ai ‘a ‘ene fiefia mo e toenga ‘o e timi Mate Ma’a Tonga ‘i he mahino ‘oku mahulu atu ‘a e ola ‘o ‘enau fili na'e fakahoko ‘i he a’u mai ki he ‘aho ni.

Ko e hisitolia foki ‘eni ki he timi Mate Ma’a Tonga ‘a ‘ene fuofua kau atu kiha kuata fainolo moha semi fainolo ‘i he fe’auhi ki he ipu ‘a mamani ‘i he mala’e ‘akapulu liiki pea ko e makamaile ia ki he timi Mate Ma’a Tonga ‘o hange koia ‘oku ‘uinga kiai ‘a Taukei’aho.

‘E foki mai foki 'a Taukei’aho mo Peni Filipe Terepo ke kau ki he timi ‘a Tonga ‘oku ‘amanaki fepaki mo e timi ‘a ‘Ingilani ‘i he semi fainolo ‘o e efiafi Tokonaki ‘o e uike ni.

'Oku 'i ai moe fakatu'amelie kiha faiva 'a e Mate Ma'a Tonga 'i 'Aokalani pea mo hano sila'i 'o fakama'u 'a e tu'unga 'o e Mate Ma'a Tonga 'i he hisitolia 'o tuputupu'a.

Timi ‘a Tonga

William Hopoate, Daniel Tupou, Michael Jennings, Konrad Hurrell, David Fusitua, Tuimoala Lolohea, Mafoa'aeata Hingano, Andrew Fifita, Siliva Havili, Siosiua, Taukeiaho, Manu Ma'u, Sika Manu (Kapiteni), Jason Taumalolo.

Kau talifaki

Sione Katoa, Peni Terepo, Tevita Pangai Junior, Ben Murdoch-Masila, Sam Moa, Manu Vatuvei, Joe Ofahengaue, Samisoni Langi

3 comments

  • Viliami Sau
    Viliami Sau Friday, 24 November 2017 19:14 Comment Link

    MATE MA'A TONGA TUKUFONUAKILANGI
    Tu'u keu haka he kuo tau e langi
    Koe Tu'i Langilangi koe Tu'i Mafimafi
    'Ae Fo'i Piliote e koe Toti 'Ailani
    Ke kau'i talanoa 'i mamanilahi
    Ngali mate afu kei tolonga mai
    'Ae hisitolia ni koe fika 'uluaki

    Hono sikaina kuo 'afio 'i Tonga ni
    Lotolotonga hono kaha'u hono 'aneafi
    'Ene maa'imoa ke fakatuputupulangi
    Kigi Jiaosi Tubou 'Uluaki e fakafeta'i
    Tali e lotu pea maamangia ai
    Hota fonua si'isi'i mo vaivai

    20 'o Novema 1839 ni
    Pouono ena Neiafu 'i Vava'ulahi
    Hopo e la'aa 'o loto Hevani
    Koula 'ataa 'ihe loto moe 'atamai
    Siate folau 'ene fakalotolangi
    Ke Tukufonuakilangi e 'Uluaki Hai

    Malo mu'a ho'o mou me'a mai
    Fai mai ha lau ki hota fonua ni
    'E tuku 'a Tonga nai kia hai
    Koe malu'anga he nofo mamani
    Tuku a Tonga he fonua hono mafi
    Pilitania Siamane Falanise mo 'Amelika lahi

    Koe Laumalie Ma'oni'oni ne 'iai
    Ne punou hifo leva e 'Uluaki Hai
    To'o hiki hapai momoi tuku hake kihe langi
    'E 'Otua koe Tamai tuku atu hoku fonua ni
    Hoku kakai mo kinautolu 'e muimui mai
    Ke malu'i mai mei he langi

    Talu ai moe tu'u 'ae kakala mahanga ni
    Koe Fu'u Toa e ko Tukukilangi
    Moe Fu'u 'Ovava ko Tauhikiai
    'Ae Tonga e ke fanongo mai
    Tonga Mo'unga kihe loto koe Tauhikiai
    Mate Ma'a Tonga koe Tukukilangi

    Ke 'a Tonga mai e 'ae lolotonga ni
    Puke ke ma'u 'ae tala ni
    Koe 'aho ni koe 'aho lahi
    Koe 'aho pe 'oe toutai
    Ke tala ke 'ilo 'e mamani lahi
    Mate Ma'a Tonga keta Tukufonua 'aki

    Pupunga mataliki malama fakatuputupulangi
    Fatafatamafana e 'ofa manatu ki 'api
    Huni e Lolo 'a Halaevalu 'o Vava'u Lahi
    He kuo 'afio hotau Hau 'i Aotearoa ni
    Taufa'ahau koe Tupou fika 'Uluaki
    Mate Ma'a Tonga Tukufonuakilangi

    20 'o Novema 1839 Tukufonuakilangi
    25 'o Novema 2017 keta semi fainolo ai
    Nima pe 'aho kena kehekehe 'aki
    Fitu pe 'aho keta fainolo ai
    Nima e matakafo hota 'Eiki Mafimafi
    Fitu'i lea mei he kolosi kuo lava kuo 'osi

    Report
  • Keiano o Pautu o Vavaulahi  (Viliami Haota I Pangai Fakatava Sau)
    Keiano o Pautu o Vavaulahi (Viliami Haota I Pangai Fakatava Sau) Thursday, 23 November 2017 19:30 Comment Link

    'Ofa mate Mate Ma'a Tonga Tau kihe Ikuna Tau Ma'ae 'Otua
    Tau ma'ae Tu'i Hou'eiki moe Kakai fua
    Tau ma'a hotau Fonua tupu'a
    Na'e tuku 'e Tubou ki 'Olunga
    Ke malu'i mei Langi 'o tuputupu'a
    'Au 'ataa tamasi'i 'o Pouono
    Talafungani moe tukufakaholo
    Seuke, seuke Jason Taumalolo
    Kuo tangane ho'o to'ongapoo
    'Oku haifine 'i 'Uta mo Lalo
    Ongona he 'i Ha'afuluhao
    'Esi 'o Salote he'ikai teke ngalo
    'Otu Langi 'o Mu'a na holo pe ho'o nofo
    Kuo tu'uta e Tautahi moe Fokololo
    'I Aotearoa ke ta'emangalo
    Ke fakafe'ao kihe Tubou hono 6
    Kuo oso pea tava hotau 'aho
    Kau fakame'ite he kuo huni e Lolo
    Tafesino'ivai kihe fonua 'oe fakangalo

    Report
  • Viliami Haota I Pangai Fakatava Sau
    Viliami Haota I Pangai Fakatava Sau Thursday, 23 November 2017 19:29 Comment Link

    'Ofa mate Mate Ma'a Tonga Tau kihe Ikuna Tau Ma'ae 'Otua
    Tau ma'ae Tu'i Hou'eiki moe Kakai fua
    Tau ma'a hotau Fonua tupu'a
    Na'e tuku 'e Tubou ki 'Olunga
    Ke malu'i mei Langi 'o tuputupu'a
    'Au 'ataa tamasi'i 'o Pouono
    Talafungani moe tukufakaholo
    Seuke, seuke Jason Taumalolo
    Kuo tangane ho'o to'ongapoo
    'Oku haifine 'i 'Uta mo Lalo
    Ongona he 'i Ha'afuluhao
    'Esi 'o Salote he'ikai teke ngalo
    'Otu Langi 'o Mu'a na holo pe ho'o nofo
    Kuo tu'uta e Tautahi moe Fokololo
    'I Aotearoa ke ta'emangalo
    Ke fakafe'ao kihe Tubou hono 6
    Kuo oso pea tava hotau 'aho
    Kau fakame'ite he kuo huni e Lolo
    Tafesino'ivai kihe fonua 'oe fakangalo

    Report

Leave a comment

Make sure you enter all the required information, indicated by an asterisk (*). HTML code is not allowed.

back to top