Menu
cache/resized/7a303faa48902efd848c7494b9385c2b.jpg

RED

Rapid Engineering Diagnostic

Specialize in:

...
Latest News

Hao ‘a Tonga ki he Semifainolo Ipu ‘a Mamani ‘Akapulu Liiki Featured

Hao ‘a Tonga ki he Semifainolo Ipu ‘a Mamani ‘Akapulu Liiki

18 Novema, 2017. Kuo puka ‘e he timi Mate Ma’a Tonga hono sea ki he semifainolo ipu ‘a mamani ‘i he mala’e ‘akapulu liiki hili ia ‘a e malo pe ‘ene hao ‘i he timi vave ‘a Lepanoni.

Ko e tau foki ‘eni na’e fakahoko ki Christchurch pea na’e ikuna ai ‘e he Mate Ma’a Tonga ‘a e va’inga ni ‘aki ‘a e kai koe 24 ki he 22 ‘a e timi Cedars ‘a Lepanoni.

Na’e tokolahi ‘a e kau poupou ‘o e timi ‘a e Mate Ma’a Tonga ‘i he va’inga ni pea na’e tokoni lahi foki ‘eni ki he va’inga ‘a e timi hange koe lau ‘a e kapiteni Sika Manu.

Na’e fakahoko ‘e he timi Mate Ma’a Tonga ha tata’o ‘e 4 ‘i he tu’u ‘uluaki pea ‘ikai kenau malava ke fakahoko ha tata’o he konga ua ka koe ‘akatautea pe.

Na’e fakahoko ‘e he timi ‘a Lepanoni ha tata’o ‘e 3 ‘i he tu’u ‘uluaki pea nau toe fakahoko ha tata’o ‘e taha he tu’u hono ua.

‘Oku mahino mai foki ‘oku fiema’u ke toe hiki ‘a e tu’unga va’inga ‘a e fanau ‘i he semifainolo pea ke fakalelei’i mo e ngaahi fehalaaki ‘i he va’inga ko’eni.

‘E toki mahino pe foki pe koe fe ‘i Papua New Guinea mo ‘Ingilani ‘e tau mo Tonga ‘i he semifainolo hili ‘a e fepaki ‘a e ongo timi ni.

Lekooti 'o e va'inga

TONGA 24

Tata'o

David Fusitu'a 2

Tuimoala Lolohe

William Hopoate

'Aka fakahu 'e 4 'a Mafoa'aeata Hingano

LEBANON 22

Tata'o

Abbas Miski 2

Adam Doueihi

James Elias

'Akafakahu 'e 3 'a Mitc'hell Moses

 

1 comment

  • Mark Hanson
    Mark Hanson Sunday, 19 November 2017 14:33 Comment Link

    Fakamalo lahi faufaua atu ki he timi MMT he va'inga malohi mo 'osikiavelenga 'o lava ai ke hu atu a Tonga ki he Semifinal. Ka na'e mahino 'aupito pe 'apulu 'ae va'inga moe hange 'oku tuikutaupe ha taha ia he loto'i va'inga e fanau. Pe ko hai ia ne tupu ai e 'apulu 'ae va'inga moe si'i faingata'a'ia 'ae tamaiki. Hei'ilo pe koe ha ha'amou lau, ka kou tui ta'etoeveivei ua koe fu'u loto 'oe kau mamata 'e ni'ihi na'a ne faka'apulu'i e va'inga. Kapau leva 'oku mokosia mo 'ikai fie poupou mo fiefia ki he timi pea nofo 'I 'api 'o ta'ota'o ai ke mafana, pe koe oo mai 'o fafa'uu mo sonini fakamomoko mai he ko hai na'a ne kole atu ke mou veka fakamolepa'anga mai mei Tonga. 'Asinga ai e mole 'ae taxpayers' money ho'omou ha'u noa'ia mo e toe omi 'o mata mahi sonini mai he fu'u mala'e 'oe fiefia, punopuna moe kaikaila ki si'i fanau va'inga. Pea ko ho'omou foki atu ena 'o tala ai pe ho'omou longoa'a'ia he kaikaila 'ae kau Tonga, moe mate homou ma kihe siana Ha'amoa.
    Malie tangai 'aisi faka'apulu va'inga. Kole atu ki he kau mamata 'akapulu sonini fafa'uu ke 'oua mu'a te mou toe ha'u ki mala'e he Tokonaki na'a toe 'apulu e va'inga 'ae fanau he kuo nau si'i hela fe feinga ke fiefia e fonua moe Tonga kotoa he kolope. Nofo 'I 'api 'o ta'ota'o moe fakamole sio.

    Report

Leave a comment

Make sure you enter all the required information, indicated by an asterisk (*). HTML code is not allowed.

back to top