Kamata teuteu ‘a Ha’amoa ke fakahoko ange kiai Sipoti Pasifiki 2019 ^Featured

Ko Ha’amoa foki a e fonua na’a nau ‘uluaki fakahā ‘enau loto ke fakahoko ange sipoti kiate kinautolu hili ‘a e holomui ‘a Tonga ‘i he ‘uhinga faka-pa’anga mo e ngaahi ‘uhinga kehe pe.

‘I ha fakamatala ‘a e Letiō Nu’usila na’e fakahā ‘e he Palēmia Ha’amoa Tuilaepa Sailele Malielegaoi neongo ‘oku te’eki ke maau ‘a e fe’auhi ki hono housi ‘o e Sipoti Pasifiki 2019 ‘i he toenga tami ko’eni ki he 2019 ‘oku ‘ikai tuku ai ‘a e teuteu ia ‘a hono fonua he ‘oku mahu’inga ma’u pe kiate kinautolu ‘a e sipoti.

Na’a ne toe fakahā foki kuo nau ‘osi mateuteu ke fakahoko ange ‘a e Sipoti 2019 ki honau fonua.

Na’a ne toe pehē foki ‘oku tokoni ‘eni he koe taimi tatau ‘oku ‘amanaki ke toe fakapa’anga ‘e he Pule’anga Siaina ‘a hono fakalelei’i ‘a e ngaahi naunau ki he ongo pa’ake sipoti ‘e ua ‘i Ha’amoa ‘a ia ko e Apia Park mo Tu'anaimato.

‘I he hoko atu ‘a Tuilaepa Sailele Malielegaoi naa ne fakamahino ai ‘oku toe mateuteu ange ‘a Ha’amoa ke fakahoko ange kiai ‘a e ngaahi sipoti fakavaha’a-Pule’anga talu mei he hono langa ‘o e ngaahi naunau ki he Sipoti Pasifiki 2007 ‘a ia na’e fakahoko ange ki Ha’amoa.

Kuo mahino mai ko Ha’amoa pe ‘eni pea ngalingali ‘e kau mai mo Guam ki he takai faka’osi ke fakapapau’i mei ai pe ko fē fonua ‘e fakahoko kiai ‘a e Sipoti Pasifiki 2017.