Toko 3 Tonga he timi ‘a e Laione ‘a Pilitānia mo ‘Ailani Featured
Mako Vunipola, Taulupe Faletau mo Billy Vunipola.
20 'Epeleli, 2017. ‘Oku hokohoko atu ai pe hono tohi e hingoa ‘o e ki’i piliote he hisitōlia pea koe maka maile ‘eni he mala’e ‘akapulu ‘unioni hono fili ‘a e toko 3 Tonga ki he timi ‘iloa ‘a e Laione ‘a Pilitānia mo ‘Ailani.
Kuo unuhi mai ai ‘e he faiako ‘a e Laione ‘a ia koe faiako ia ‘a e timi ‘a Uelesi Warren Gatland ‘a e Fika 8 ‘a Uelesi ko Taulupe Faletau, Fika 8 ‘a ‘Ingilani Billy Vunipola mo e Matatolu ‘a ‘Ingilani Mako Vunipola kenau kau atu ki he sikuati ‘a e Laione ‘i he’enau teuteu tua atu ko’eni ki Nu’usila.
Ko e ngaahi misi ‘i he kuohili na'e hāhāmolofia ke hoko ka koe ngaahi ‘aho ni kuo faka’ali’ali ‘a e taleniti ‘etau fanau Tonga ‘i he Kolope he mala’e ‘akapulu pea koe ongoongo fakafiefia ia ki he fonua.
Na'e 'osi fili foki 'a Mako Vunipola ki he timi 'a e Laione ‘a Pilitānia mo ‘Ailani 'i he ta'u 2013 ka ko'eni kuo tokotolu 'a e kau Tonga kuo kau atu ki he timi hau mo fakahisitōlia ni.
Ko e tua ko'eni 'e fakahoko ia 'i he mahina ko Sune mo Siulai 'o e ta'u ni 'a ia 'e fakahoko ai 'e he timi 'a e Laione ‘a Pilitānia mo ‘Ailani ha tesi 'e 3 mo e All Blacks pea moha va'inga 'e 7 kehe 'o kau ai 'a e ngaahi timi Supa 18 'a Nu'usila pehe ki he 'Olopeleki 'a e kau Mauli mo e timi Pāpeliane 'a Nu'usila.
2 comments
-
Hihihi.Ki'i tuai tama ?
Na'e kau kotoa pe ae Toko tolu ni he tour ae Lion oe 2013 ki Australia. Naa nau test kotoa pea nau hanga o fkmamahi'i/fo'i ae Wallabies. E malie hanau fepaki moe All Black i Siune. -
Malie lahi kau tanagta pea hange koe lau kuo kau 'a Tonga he lau. Pea mou afe mai 'o tuku mai ha lesoni ki he 'Ikale Tahi.